УНТЭ болон БНСУлсын “АСАН” Анагаах Ухааны Төвийн хооронд 2011.07.25-ны өдөр байгуулсан Монгол Улсын Нэгдүгээр Төв энмэлгийн үйл ажиллагааг сайжруулахад хамтран ажиллахад дэмжлэг үзүүлэх тухай гэрээ зэрэг хууль эрх зүйн баримтуудыг үндэслэн УНТЭ-ийн элэг шилжүүлэн суулгах баг, БНСУ-ын “АСАН” Анагаах Ухааны Төвийн эрхтэн шилжүүлэн суулгах төвийн захирал Sung Gyu Lee ахлагчтай баг элэг шилжүүлэн суулгах төслийг хэрэгжүүлэн 2011 оны 9 сарын 24 нд анх мэс засал хийснээс хойш өдгөө нийт 12 дахь удаагаа элэг шилжүүлэн суулгах мэс заслыг амжилттай хийжээ.

бй

Үүнд: Элэгний хатуурал өвчний эцсийн үе шатанд орсон 10 өвчтөн, элэгний хатуурал хавдарт шилжсэн 2, төрөлхийн цөсний зам битүүрэлтэй, элэгний хатууралтай хүүдэд 1, нийт 13 тохиолдолд мэс засал хийгээд байгаа ба мэс заслын үр дүн 93 хувь байна. Одоогоор мэс засал хийгдсэн үйлчлүүлэгчид байнгын хяналтанд эмчлэгдэж, биеийн байдал нь сайн байна.

бй

Хамгийн сүүлд буюу энэ сарын 22-нд төрөлхийн цөсний замын битүүрэлтэй, Касай хагалгааны дараах байдалд буй хүүхдэд ээжээс нь элэг шилжүүлэн суулгах мэс засал хийсэн байна. Хүүхдийн болон донорын биеийн байдал мэс заслын дараах байдалд байгаа аж.

бөы

2010 онд Эрүүл Мэндийн сайд “АСАН” сангийн захиралтай байгуулсан гэрээгээр 200 сая вонны туслалцааг элэг шилжүүлэн суулгах эмчилгээг нутагшуулахад зарцуулахаар шийдвэрлэж байсан аж. 2010-2013 онуудад элэг шилжүүлэн суулгах багийн гишүүдийг жил бүр үе шаттайгаар 1 сарын хугацаагаар “АСАН” Анагаах Ухааны Төвийн эрхтэн шилжүүлэн суулгах төвд тасралтгүй сургалтанд хамруулж, “АСАН” Анагаах Ухааны Төвийн Sung Gyu Lee ахлагчтай элэг шилжүүлэн суулгах баг жилд 2 удаа Монгол ирж манай эмч нартай хамтран элэг шилжүүлэн суулгах мэс засал хийж байна.

бй

2013 онд Засгийн газраас 1.2 тэрбум төгрөгийг Улсын нэгдүгээр төв эмнэлэгт элэг шилжүүлэн суулгах мэс заслын үйл ажиллагааг дэмжих зорилгоор шийдэж өгсөн аж. Тус эмнэлэг элэг шилжүүлэн суулгах мэс засалд шаардлагатай багаж, тоног төхөөрөмжийг худалдан авч энэхүү үйл ажиллагааг тогтвортой явуулах боломжтой болжээ.

бй

Дашрамд дурьдахад, дээрх хагалгаануудыг ахалсан Sung Gyu Lee профессор нь 2013 оны БНСУ-ын шилдэг эмч болсон. “АСАН” Анагаах Ухааны Төвийн элэг шилжүүлэн суулгах баг нь амьд донороос элэг шилжүүлэн суулгах талаараа дэлхийн №1 баг ажээ. Sung Gyu Lee профессорт Улсын Нэгдүгээр Төв эмнэлгийн зүгээс хүндэт профессор цол олгон, 1981 оноос хойш хөтөлсөн байгууллагын хүндэт дэвтэрт 14 дэх хүндэт хүнээр алдаршуулсан байна.

бй

П.Наран