Улаанбаатар хотод ажиллаж, амьдарч буй Сүхбаатар аймгийн уугуул, суугуул иргэдийн сар шинийн золголт маргааш  Бөхийн өргөөнд  болно. Энэ үеэр “Бид Сүхбаатар нутгийнхан”  шашин, урлагийн  цэнгүүн болох аж. Тухайлбал, сум бүрийн хийдээс төлөөлөгч ирэн нутгийнхаа шүтлэгтэй уул, овооны сан тарнийг уншиж, арц утлагыг Эрдэнэмандал хийдээс гаргасан морь жилийн цаг тооны бичгийн хамт   тараах гэнэ. Харин урлагийн тоглолтод  тус нутгаас төрж  гарсан Ардын жүжигчин Ч.Шархүүхэн, Ш.Чимэдцэеэ, Г.Батсайхан тэргүүтэй  уран бүтээлчид  оролцох юм байна.

S

Сүхбаатар аймгийнхан нутагт нь шүлхий өвчин гарчихаад байхад хотод олон хүн цугласан томоохон уулзалт, цэнгүүн хийх гэж байна хэмээн үзэх нэгэн байгаа ч энэ асуудлаар Улаанбаатар хот дахь нутгийн зөвлөл нь урьдчилсан ярьж, санал солилцжээ.  Золголтыг хойшлуулах, эсвэл хийхгүй байх талаар санал гарсан ч ажил, амьдралын мөр хөөж сар шинээр  ус нутагтаа очиж чадаагүй нийслэл дэхь Сүхбаатарын иргэдэд зориулагдсан. Нөгөө талаар бусад аймгийнхан золголтоо хийж байхад, түүхт хүний нэрээр нэрлэгдсэн ганц аймаг нь жанжныхаа 121 жилийн ой дээр золгохгүй байж болохгүй. “Бид Сүхбаатар нутгийнхан” шашин-урлагийн цэнгүүнийг хийх нь зүйтэй гэж шийдвэрлэсэн талаар зохион байгуулагчид хэлж байна.

as

П.Наран