Өнөөдөр их гэгээн зүйлийн тухай бичмээр санагдлаа. Ойрд телевиз, интернэтээр бараан мэдээллүүд уншсаар байгаад  бүр залхжээ.  Хүн өдөрт ижийгээ есөн удаа санахад л үйлс нь бүтдэг гэдэг.  Өчигдөр хүүгийнхээ хичээлийг давтуулж байтал хүү маань,  “Ээж ээ та сахиусан тэнгэр” юм уу гэж асуудаг байгаа. Яагаад миний хүү тэгж хэлэв гэсэн чинь “Өнөөдөр багш “Сахиусан тэнгэр” гэдэг өгүүллэг уншиж өгсөн. Тэр нь надад үнэхээр таалагдсан та сахиусан тэнгэр юм байна лээ шүү” хэмээн хэвлүүлхэн хэлж сэтгэл хөдөлгөв. Тийм ээ, энэ хорвоогийн ижий бүхэн сахиусан тэнгэр аж. Уг өгүүллэгт.  Дэлхий уруу явахаар дугаарлан зогсох олон хүүхдийн нэг нь бурхнаас ийн асуулаа.

6

-Намайг одоо дэлхий уруу явуулах гэж байна. Гэтэл би ийм жижигхэн тэгээд бас ямар ч хүчгүй юм чинь тэнд яаж амьдрах юм бэ...? гэхэд … БУРХАН:

-Чи санаа зоволтгүй ээ. Би бүх сахиусан тэнгэрүүдээс нэгийг нь чинийх болгож сонгосон. Тэр чамайг тэнд хүлээж байх ба өдөр болгон чамд сайхан дуу дуулж өгнө. Энэ маягаар чи түүний хайрыг мэдэрч, аз жаргалаар дүүрэн амьдрал, өдөр хоногуудыг тэнд өнгөрөөх болно.

6

-Аан тэгвэл, хүмүүс надад ямар нэгэн юм хэлэхэд би хэлийг нь мэдэхгүй юм чинь яаж ойлгох болж байна аа?

-Чиний сахиусан тэнгэр чамд энэ ертөнц дээр хэрхэн сонсож, яаж ярихыг зааж өгнө.

6

-Гэвч дэлхий дээр маш олон муу хүмүүс байдаг гэдгийг надад хэлсэн. Намайг хэн хамгаалах юм бэ?

-Сахиусан тэнгэр чинь чиний амьдралын төлөө өөрийгөө ч зориулахад бэлэн байж чамайг ертөнц дээрх бүх муу зүйлээс авран хамгаална гэх тэрхэн агшинд Диваажинд маш нам гүн болж, тэр хүүгийн ээлж ч болсон байлаа. Нэгэнт явах цаг ирснийг ухаарсан хүү эцсийн асуултаа асуусан нь:

5

-Бурхан минь, Бурхан минь би одоо явах нь ээ. Миний сахиусан тэнгэрийн нэрийг бушуухан хэлээч гэхэд Бурхан:

-Хүү минь, түүний нэр тийм ч чухал биш ээ, харин чи түүнийг “Ээж ээ” гэж дуудаж болно гэлээ.

5

Тийм ээ. Ээж гэдэг энэ гуравхан үсэг ямар агуу их ид шидийг агуулна вэ. Эхийн бүүвэй шиг уянгатай дуу энэ хорвоод  үгүй билээ. Үүнийг хүмүүн төрөлхтөн  нийтээрээ зөвшөөрнө. Хүүхэд эхийнхээ уянгат бүүвэйд жарган жаргасаар  өлгийтэйгөөсөө амгалан дөлгөөн зан, өрөвч  энэрэнгүй сэтгэлийн үр хөврөлийг олдог. Эхийн цагаан сүүгээр төдийгүй эхийн уяхан бүүвэйнд хүүхэд өсөж торнипдог. Эхийн эгшиглэнт бүүвэйний гайхамшгийн тухай олныг өгүүлж болох билээ.

5

Ээжээс гадна аав гэж эрхэм хүн байна. Аавын хайр үгүй бол ээж гэдэг энэ орчлонд үр хүүхдээ өсгөх гэж ганцаардахын зовлонг эдлэнэ. Ээж аавын амин үр бол өөрөө ч сахиусан тэнгэр. Хайраас амилж, хайранд өлгийдүүлэн хүн болно гэдэг энэ хорвоогийн хамгийн их хувь тавилан ажээ.

5

Уншигч таньд нэгэн бичлэгийг үзүүлэхийг хүссэн юм. Ердөө 7-хон минут хүрэхтэй үгүйтэй уг бичлэг өнгөрсөн онд хорвоод мэндэлсэн бяцхан хүү, түүний ээж хоёрын тухай. Хүү төрөх цагаасаа эрт мэндэлж, ээжийн хайр, эмч нарын хүчээр хүн болсон. Хамгийн гол нь хүүгийн амьдралын төлөөх тэмцэл, ээжийн хайр сэтгэлийн шаналал бүхнийг хайртай аав нь дүрсжүүлж, ээжийнх нь төрсөн өдрөөр бэлэглэсэн аж. Ханийн халуун сэтгэл, хайрын нэгээхэн хэсгийн гэрч болж, та бид сахиусан тэнгэрүүдийн ивээлээр хүн болж, өөрөө ч сахиусан тэнгэр болон эх дэлхийдээ мэндэлсэн гэдгийг нэг санаарай. Амьдрал сайхан шүү.

5

П.Наран