Өнгөрсөн аравдугаар сарын 27-нд Сүхбаатар дүүргийн дөрөвдүгээр хороо “Эрхболд” гэгч ТҮЦ-ний нөхөр Б-гээс тамхины тусгай зөвшөөрөл авч өгнө хэмээж 65 мянган төгрөг залилсан хэрэг гарчээ. Эл залилагч этгээд нь удаа дараа энэ хэргийг үйлдсэн болохыг цагдаагийн байгууллагаас мөрдөн байцаалтын явцад тогтоосон байна. Тодруулбал, тэрбээр Чингэлтэй дүүргийн тавдугаар хороо “Тэнгис” кино театрын хажуугийн ТҮЦ-ний худалдагч Д гэгчээс, Баянгол дүүргийн гуравдугаар хороо ТҮЦ-ний худалдагч М гэгчээс тус тус тамхины тусгай зөвшөөрөл авч өгнө хэмээн их хэмжээний бэлэн мөнгө залилсан аж.