Архангай аймагт шинэ нисэх онгоцны буудал барих ажлыг 2014 онд эхлүүлж, 2017 онд ашиглалтанд өгөхөөр төлөвлөсөн байна.

Нутгийн удирдлагууд шинэ нисэх онгоцны буудлыг Цэцэрлэг хотоос 24, Цэнхэр сумын төвөөс 6 км зайд байрлах Эх-Өвөр Хужиртын үзүүр гэдэг газар барихаар төлөвлөөд байгаа аж.  Учир нь уг газрыг 1960-аад оны үеэс эрдэмтэн судлаач, нисэхийн мэргэжилтнүүд онгоц нисч буухад тохиромжтой газар хэмээн үзсэн байна. Түүнчлэн, уг газар нь Цэнхэрийн халуун усны жуулчны баазуудыг хүрэхэд 34 км, Шивэртийн рашаан-сувилалд очиход 29 км зайтай гэнэ. Тиймээс  гадаад, дотоодын жуулчдад үйлчлэхэд аятай боломж хэмээн үзэж байгаа ажээ.