“Invest Mongolia” хөрөнгө оруулагчдын чуулга уулзалтыг ирэх арванхоёрдугаар сарын 11-нд “Фронтиер” компани Япон улсын Токио хотод зохион байгуулахаар болжээ. Уг чуулганд Хөрөнгийн биржийн дэд захирал Г.Маруул, "Бридж" группын гүйцэтгэх захирал Л.Даваажаргал, "Эм Си Эс Энержи" компанийн гүйцэтгэх захирал Т.Мөнхтөр, МУИС-ийн багш, судлаач Ч.Хашчулуун зэрэг төр, бизнесийн төлөөлөл оролцох юм байна.

Тэд "Оюутолгой" төслийн дараагийн санхүүжилт Монголын эдийн засагт хэрхэн нөлөөлөх, Монголын ногоон эдийн засагт Япон улс хэрхэн хамтрах, "Эрдэнэс Тавантолгой" болон Монголын бусад компани Токиогийн хөрөнгийн биржид бүртгүүлэх боломж, Монголын Хөрөнгө оруулалтын тухай хууль зэрэг асуудлыг хэлэлцэх ажээ.