Монгол улсын урлагийн гавьяат зүтгэлтэн, хөгжмийн зохиолч Л.Балхжавын “Миний дуунууд” тоглолт 15 дахь жилдээ болох гэж байгаа билээ. Гурван өдрийн турш “UB palace” –ийн концертын Их танхимд болох тус тоглолт өнөөдөр эхэлнэ.

Тус тоглолт нь 15 жилийн ой гэдэг утгаараа өмнөх жилүүдээс өргөн хүрээнд зохион байгуулахаар төлөвлөж, тоглолтын бэлтгэлээ ажлаа хангасан тухайгаа зохион байгуулагчид хэлж байгаа.

Тоглолтод Төрийн соёрхолт дуучин Д.Болд, МУГЖ, “Чингис хаан” хамтлагийн ахлагч Д.Жаргалсайхан болон Т.Ариунаа, Б.Сарантуяа, “Камертон” хамтлаг, УДБЭЧ, ЦДБЭЧ-ын бүжигчид зэрэг уран бүтээлчид оролцож ая дуугаа өргөн барих юм.

Бүх уран бүтээлчид өдөр бүрийн тоглолтод оролцох учир үзэгчид гурван өдрийн алинд нь ч тоглолтыг үзэх боломжтой юм байна.

Б.Буд