Олон улсын хүүхдийн Найрамдал зусланд таван хоног үргэлжилсэн Монгол туургатны олон улсын хүүхдийн IV их наадам амжилттай болж өндөрлөлөө. Энэ удаагийн наадамд Монгол, ОХУ, Буриад, БНХАУ-ын ӨМӨЗО-ны нийт 350 гаруй тамирчин өрсөлдсөн юм. Хүүхдүүд жүдо, бокс, чөлөөт бөх, байт харваа, шатар, хөнгөн атлетик, волейбол, болон ширээний теннис зэрэг спортын төрлөөр өрсөлджээ. Монгол туургатны олон улсын хүүхдийн V наадам ирэх 2014 онд БНХАУ-ын Нанжин хотод болох аж.