Айл өрх, ААН, байгууллагын халаалтыг өчигдрөөс зогсоож, ирэх оны халаалтын улирлыг саадгүй давах, өвөлжилтийн бэлтгэл ажлын хүрээнд хийгдэх ажлуудыг хуваарийн дагуу эхэлжээ

Сүүлийн өдрүүдэд нэгдүгээр ангийн үсэглэлийн баяраар хүүхдээ”А” үсэг болгох эрхийг нь эцэг эхчүүд нэг сая төгрөгөөр худалдаж авдаг гэх мэдээлэл цахим орчинд цацагдлаа. Уг мэдээлэл иргэдийг талцуулж маргаан үүсгээд байгаа юм. Нэг хэсэг нь үсэглэлийн баяраар ямар үсэг болох нь ирээдүйд нь чухал ач холбогдолтой бөгөөд “А” үсэг болсноор бусдаас илүү хариуцлагатай, боловсролтой, өөртөө итгэлтэй болж төлөвшихөд нь тусалдаг гэж үзэж байгаа бол нөгөө хэсэг нь үсэглэлийн баяраар ямар үсэг болох нь амьдрал, сурлагад ямар ч нөлөөгүй хэмээн талцаж байна. Тэдний маргаан өнөөдрийг хүртэл үргэлжилсээр. Иргэд үсэглэлийн баяраар ямар үсэг болж байснаа, тухайн үсэг нь өнөөдрийн амьдралд нь нөлөөлж байгаа эсэх талаар бичсээр л байна.

Нийслэлийн Засаг даргын санаачилгаар НЗДТГ, Монголын 3x3 сагсан бөмбөгийн холбоо хамтран “Улаанбаатар кап 2022” тэмцээнийг Д.Сүхбаатарын талбайд зохион байгуулахаар боллоо. Тэмцээн тавдугаар сарын 16-наас зургадугаар сарын 1-ний хооронд 3x3 стандартын дагуу зассан талбайд болно.

Салхи нутгийн зүүн хэсгээр баруун хойноос, бусад нутгаар баруун өмнөөс секундэд 5-10 метр, тал, хээрийн нутгаар секундэд 12-14 метр хүрч ширүүснэ.Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан голын эх, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 16-21 хэм, Их нууруудын хотгор болон Алтайн өвөр говь, Орхон-Сэлэнгийн сав газраар 25-30 хэм, бусад нутгаар 20-25 хэм дулаан байна.

Нийслэлийн Гэр бүл, хүүхэд, залуучуудын хөгжлийн газрын Гэр бүлийн хэлтсийн дарга Ц.Гэрэлтуяа “Олон улсын гэр бүлийн өдрийг тохиолдуулан гэр бүлийн үнэ цэн, эцэг эхийн хамтын үүрэг, хариуцлагыг таниулах, үр хүүхдээ өсгөн хүмүүжүүлэх ухаан, хамтын амжилт, авьяас чадвараар манлайлсан гэр бүлүүдийг алдаршууллаа. Ийн гэр бүлийн хамтын амжилтыг алдаршуулж, олон нийтэд түгээснээр олон гэр бүл, тэр тусмаа шинэ, залуу гэр бүлүүд үлгэр жишээ авах, суралцах чухал ач холбогдолтой” гэдгийг онцолж байлаа.

Урин дулааны улиралд түр зуурын усархаг болон олон хоног үргэлжилсэн бороо ороход авто зам, нийтийн эзэмшлийн талбай усанд автаж иргэд, аж ахуйн нэгж байгууллагуудад хүндрэл үүсдэг. Тэрхүү хүндрэлийг энэ зун давтахгүй байх, урьдчилан сэргийлэх үүднээс  НЗДТГ, Нийслэлийн Замын хөгжлийн газрын  захиалгаар Геодези, усны барилга, байгууламжийн газар /ГУББГ/ авто зам, талбайн шугам сүлжээний өргөтгөл шинэчлэлийн шугам угсралтын ажлыг эхлүүллээ.

Нийслэлийн Замын хөгжлийн газар авто зам, замын байгууламжийн засвар арчлалтын ажлын хүрээнд энэ онд 14 байршлын гол болон туслах гудамж замыг шинэчилнэ. Тус ажлыг өнөөдрөөс эхлүүлсэн бөгөөд Их дэлгүүрийн зүүн урд талын уулзвараас хойшоо Тэди төвийн зүүн хойд уулзвар хүртэл 600 метр авто замын шинэчлэлтийн ажлыг зургадугаар сарын 1-н хүртэл гүйцэтгэхээр төлөвлөжээ.

"Цар тахал ба хууль сахиулах ажиллагаа" мониторингийн судалгааг жишээ, тохиолдол дээр суурилж хийжээ. Ингэхдээ тухайн тохиолдолд хамаарах иргэн хуулийн этгээдүүдтэй уулзах, ярилцах, зарим хэргийг шийдвэрлэсэн шүүхийн шийдвэрүүдэд харьцуулсан дүн шинжилгээ хийжээ. Цар тахал зэрэг гамшгийн нөхцөл байдлын үед хүний эрхийг цаашид хэрхэн хамгаалах, хууль тогтоомжийг боловсронгуй болгох, үүссэн маргааныг хэрхэн шийдвэрлэхэд дээрх судалгаа ач холбогдолтой байна.

Сүүлийн 24 цагийн хугацаанд улсын хэмжээнд 53 халдвар шинжилгээгээр батлагдлаа. Үүний 38 нь Улаанбаатарт, 15 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 250 хүн хэвтэн эмчлүүлж байна. Тэднээс 7 хүн хөнгөн байна. 

Олон нийттэй нээлттэй харилцах 1111 төвд ирдэг санал гомдлын гуравдугаарт эрүүл мэндийн салбартай холбоотой санал гомдол эзэлж байна. Үүнтэй холбогдуулан ЭМЯ-наас хийж буй үйл ажиллагаагаа иргэдэд ил тод байлгах, шилэн байх, санал гомдлыг шуурхай шийдвэрлэж байх ажлын хүрээнд сар бүрийн дөрөв дэхь долоо хоногт ЭМЯ-ны удирдлагууд мэдээлэл хийдэг байх нөхцөлийг бүрдүүлж байна.

Коронавируст цар тахлын улмаас Индонезийн тал 126 орны иргэдийг жуулчны визийн шаардлагаас чөлөөлж байсан шийдвэрээ цуцлаад байна. Монгол Улс уг жагсаалтад багтдаг байсан боловч дээрх шийдвэртэй холбогдуулан манай иргэд Индонез Улсад визтэй зорчихоор болж байна.

Цагаан сараар 3 өдөр амардаг атал шинийн 3 хоёр удаа тохиож, нэг сандаргасан. Мэдээж 3 хоног л амарсан.Одоо харин хуулиар Бурхан багшийн их дүйчин өдөр нь зуны тэргүүн сарын шинийн 15-нд амрах учиртай. Гэтэл энэ өдөр нь аргын тооллын тавдугаар сарын 16 болон зургаадугаар сарын 14-нд хоёр удаа тохиож байгаа юм.

“Өглөөний гудамж” энэ сарын 6-ны өдөр нээлтээ хийж, хоёр дахь жилдээ үйл ажиллагаа явуулж байна.

Анх 12 настай байхдаа “30 нас” хүрэхээсээ өмнө биелүүлэх мөрөөдлөө бичиж тэмдэглэсэн. Мөрөөдлийн маань хамгийн эхэнд эх орноо тойрч, 21 аймгаараа аялах байсан. Аялах сонирхол маань мөрөөдөл, зорилго болсон. Дараа нь ажил амьдрал маань болоод явж байна. Би зөвхөн алхалт, аялал гэлтгүй ууланд авирах сонирхолтой.

Өнөөдөр Улаанбаатар хотод суурин 39 цэгт 39 багийн 141 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.

Дэлхий нийтийг хамарсан Ковид-19 цар тахлын амаргүй хүнд нөхцөлд ард түмний амь нас, аюулгүй байдлын төлөө өөрийн амь нас, эрүүл мэнд, ар гэрээ умартан зүтгэж, ачааны хүндийг үүрсэн энх цагийн эгэл баатрууд Та бүхнээр Монгол төр, ард түмэн бахархаж байна. Цагаан өмсгөлтэй, гэгээн үйлстэй Та бүхэндээ ард түмнийхээ нэрийн өмнөөс гүн талархал илэрхийлье.

Хэнтий аймгийн Норовлин сумын Онон багийн “Зүүн Олцийн-Ам” гэдэг газар  өчигдөр буюу 05.11-ний өдрийн 19:00 цагийн орчим ойн түймэр гарсан тухай дуудлагыг мөн өдрийн 20:50 цагт хүлээн авсан байна.

Нийслэлийн Засаг даргын 2022 оны “Газрын зөрчил арилгах талаар авах зарим хэмжээний тухай” А/388 дугаар захирамж гарсан. Энэ хүрээнд нийслэлийн нутаг дэвсгэрт иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, тохижилтын ажил гүйцэтгэх боломжийг бүрдүүлэхээр 188 байршилд 4860 гарааш буулгах ажил гуравдугаар сарын 15-нд эхэлсэн. Өнөөдрийн байдлаар 2073 гарааш буулгаад байна.

Хөдөлмөрийн баатар, Олимпын аварга Н.Түвшинбаярт холбогдох хэргийн шүүх хуралдаан тодорхойгүй хугацаагаар хойшиллоо. Тодруулбал, Н.Түвшинбаярт холбогдох хэргийн шүүх хуралдаан Хан-Уул дүүргийн эрүүгийн хэргийн анхан шатны шүүхэд 9.30 цагт  эхэлсэн. Шүүх хуралдаан хаалттай явагдсан бөгөөд Н.Түвшинбаяр өөрийн биеэр оролцсон юм.  

Сүүлийн 24 цагийн хугацаанд улсын хэмжээнд 45 халдвар шинжилгээгээр батлагдлаа. Үүний 31 нь Улаанбаатарт, 14 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 250 хүн хэвтэн эмчлүүлж байна. Тэднээс 7 хүн хөнгөн байна.