УИХ-ын гишүүн Ө.Шижир "УИХ, ЗГ-т суудалтай ХҮН нам 1 тэрбум 95 сая төгрөг сонгуулиар хандив нэрээр цуглуулж авсан байна. Үүнийхээ нэг тэрбум 45 сая төгрөгийг зөвхөн нэг компани, түүний хамаарал бүхий 37 охин компаниас авсан байна. Нийт санхүүжилтийн 98 хувийг нэг компанийн хамаарал бүхий 37 компаниас авсан байгаа нь хуульчилсан авлига" гэж мэдэгдсэн. Уг компани нь MCS групп.

Тэгвэл ХҮН намын дарга Т.Доржханд тайлбар өгч "Сонгуулийн хандиваар нэр бүхий компаниудаас 1 тэрбум төгрөг цугларсан нь үнэн. Гэсэн ч ХҮН нам худалдагдахгүй гэх тайлбар хийв. Дэлхийгээ ч мэдэхгүй ПОПУЛИЗМ хийдэг хүмүүс үүнийг улстөржүүлж байна" гэв.