Гуравдугаар сарын 22-нд “Ноорог”-ийн ажилтан А.О-г нэг сарын хугацаатай цагдан хорих шийдвэр гаргасан. 9,3 тэрбумын хэргээр хоригдсон А.О- ын ах нь “Ноорог”-т ажилладаг дүү нь уг хэрэгт холбоогүй. Өөрөө цахим мөрийтэй тоглоом зохион байгуулдаг байсан гэх утгатай лайвыг өчигдөр хийж, нийгмийн сүлжээнд байршуулсан. Тэрээр ЦЕГ-ын кибер гэмт хэрэгтэй тэмцэх хэлтсийн ажилчид цахим мөрийтэй тоглоом зохион байгуулагчид өөртэй нь хамтран ажиллаж, нэг цагдаа л гэхэд сард 75 сая төгрөг авдаг байсан гэх мэдээллийг өгсөн. Одоогоор цагдаа нарын нэрсийг зарлах боломжгүй гэжээ. Тэгвэл үүнтэй холбоотойгоор ''Ноорог'' -ийн ажилтан А.О-н ар гэрээс олон нийтийн цахим сүлжээгээр дамжуулан хийсэн мэдээлэлтэй холбоотой өнөөдөр /2025.03.24/ Нийслэлийн цагдаагийн удирдах газраас 1 мэдээлэл хийхээр болжээ.