''Ноорог''-ийн эргэн тойронд...

Хуулийн байгууллага “Ноорог” медиагийн найман ажилтныг гуравдугаар сарын 17-18-нд шилжих шөнө 06.30 цаг хүртэл байцааж, ажлын байранд нь нэгжлэг хийн, хувийн гар утас болон техник хэрэгслийг хураан авсан. 

Тэднийг цэргийн баярын урд өдөр ажил дээрээ компьютер тоглоод сууж байхад нь 21.00 цагийн үед нь гэнэт баривчилсан байдаг. Ямар шалтгааны улмаас баривчлан, саатуулсан талаар анх хуулийн үндэслэлээ танилцуулаагүй бөгөөд  “Та нарын хийдэг ажилтай холбоотой” л гэж хуулийн байгууллагаас тайлбарласан байгаа юм. Ингээд авчирсан хойноо үндэсний эв нэгдлийг бусниулах гэсэн заалтад үндэслэн прокурор руу баривчлах хүсэлт явуулж, хариу иртэл нь тэднийг хүлээлгэжээ. Тэднийг MCS-тэй холбоотой баривчлан саатуулсан гэж байгаа бөгөөд тэд ч Монголд байгаа бүх мэдиа агентлаг томоохон групп компаниудтай хамтарч ажилладаг. Тэр бол бизнес хамтрал гэж хариулсан юм. 

ХЗДХ-ийн сайд О.Алтангэрэл

Ноорогийн залуусыг 2024 оны 6, 9 дүгээр саруудаас эхлэн шалгагдаж байгаа гэх мэдээлэл байна. Энэ гэнэт болчихсон үйл явдал биш 

"Ноорог.мн сайттай холбоотой асуудлаар хэвлэлийн эрх чөлөөнд халдаж байна уу, ямар асуудал болсон эсэх асуудлаар ЗГ-ын хуралдаанд танилцуулсан. Хувь хүнтэй холбоотой асуудлаар шалгагдаж байгаа учраас дэлгэрэнгүй мэдээлэл өгөх боломжгүй. Энэ асуудал гэнэт үүсчихсэн юм биш. 6, 9 дүгээр сараас эхлэн шалгагдаж байсан юм. Одоо хүртэл шалгагдаж байна.

Цагдаагийн байгууллага улстөрийн дохиураар ажиллаж байна гэж үзэж байгаа бол энэ үйл ажиллагааны үзүүрт улстөрийн ямар ашиг байх юм, юуны төлөө байгаа юм гэдгийг тогтоох ёстой.

Албан ёсны баривчилгаа огт болоогүй. Харин компьютер техник хэрэгсэлд үзлэг хийсэн, түүнийгээ бэхжүүлсэн баримтжуулсан үйл ажиллагаа явагдсан. Өмгөөлөгч нарын тайлбарыг сонссон. Өмгөөлөгч нарын ярианд дурдагдаад буй зарим үйл баримт хэрвээ үнэн бол гомдлоо гаргаад шалгуулах хэрэгтэй. Үнэхээр хуульд заасан нөхцөл журмыг зөрчсөн бол цагдаагийн албан хаагчид эрүүгийн хариуцлага хүлээнэ" гэлээ.

Ноорог...

"Ноорог" медиагаас нөхцөл байдлын талаар сүүлийн үеийн мэдээлэл өглөө. Тодруулбал "Гар утас, компьютер, ажлын хэрэгслүүдээ бүгдийг авч чадаагүй байгаа. Нэг ёсондоо хувийн харилцаа холбооныхоо боломжуудыг бараг хаалгаад хоёр хонож байж арай гэж симээ сэргээлгэж авлаа. Одоо сошиал дээр хувь аккаунтаараа бичээд явна. 9.3 тэрбум төгрөг олдог, мөрийтэй тоглоом зохион байгуулдаг гээд бүтэн яамны сайд хүний ярьж байгаа юмнуудыг бол анх удаа сонслоо. Хэрвээ тийм мөнгө олдог, эсвэл MCS энэ тэрээс лаг лаг санхүүжилт авдаг байсан бол сая 15-ны цалингаа хугацаанд нь тавьчихгүй юу.Ямартаа ч "Тогосоо Тижи" гэж амиа хорлох гээд манайд гомдол гаргаж манайхыг бариулсан аккаунт нэг сайтын бүр жинхэнээсээ тролл хаяг байсан шүү" гэв.