Д.Амарбаясгалангийн парламентад гэмт хэрэг үйлдсэн нь гурван шатны шүүхээс тогтоогдсон гишүүн бий.

АН-аас УИХ-ын нэгдүгээр тойрог Баянхонгор, Архангай, Өвөрхангай аймгаас 56 мянга орчим иргэний санал авч УИХ-ын гишүүн болсон Дав.Цогтбаатарыг Улсын дээд шүүхээс гэм буруутайд тооцсоноор түүнийг эргүүлэн татах үндэслэл бий болсон.

Дав.Цогтбаатарыг гурван шатны шүүхээс гэм буруутайд тооцсон. Түүнийг 20 сая төгрөгөөр торгож, нийтийн албанд томилогдох эрхийг нь хоёр жилээр хассан. Тэрээр 2016-2022 онд Хөгжлийн банкны хэлтсийн захирлаар ажиллаж байхдаа албан тушаалын байдлаа урвуулан ашигласан хэрэгт буруутгагдаж ял сонссон. Тодруулбал Мондулаан, Газ Импорт,Бэрэн групп-д давуу байдал олгож, Эрүүгийн хуулийн 22.1-т заасан гэмт хэрэг үйлдсэн нь тогтоогдсон юм.

Улсын дээд шүүхээс шийтгэх тогтоолоо авалгүй хэсэгтээ муур, хулганадсан Дав.Цогтбаатарыг эргүүлэн татах асуудлыг УИХ хэлэлцэх ёстой.

Ингэснээр УИХ-ын нэгдүгээр тойрогт нөхөн сонгуулийн марафон эхлэх бөгөөд З.Энхболд, Г.Занданшатар, Г.Ганболд, Д.Тогтохсүрэн нар өрсөлдөж мэднэ.