АТГ-ын дарга, УЕП-ын томилгоо энэ хаврын чуулганы гол асуудлуудын нэг. АТГ-ын дарга, Улсын Ерөнхий прокурорын томилгооноос Ерөнхийлөгч, Ерөнхий сайдын ойлголцол харагдана.                                                                                                                                                                                                                                                                                                                                                                                                                                                                                                                                                   АТГ-ын дарга, Улсын Ерөнхий прокурорыг зургаан жилийн хугацаатай томилдог хуультай. Уг хуулиар АТГ-ын дарга З.Дашдаваа, УЕП Б.Жаргалсайхан нарын хуулийн хугацаа дуусгавар болж буй. З.Дашдавааг У.Хүрэлсүх Ерөнхий сайд байхдаа. Б.Жаргалсайханыг Х.Баттулга Ерөнхийлөгч байхдаа УИХ-д  санал болгон томилсон байдаг. Харин одоо АТГ-ын даргыг Ерөнхий сайд Л.Оюун-Эрдэнэ санал болгох хуультай бөгөөд уг томилгооноос ҮАБЗ-ийн хоёр гишүүний улстөрийн хамтрал хэрхэн үргэлжлэх вэ гэдэг нь шууд харагдах юм. Зарим хэвлэл мэдээллийн хэрэгслээр АТГ-ын дарга З.Дашдавааг улираан томилно гэх мэдээлэл цацагдаж байгаа нь Ерөнхий сайд Л.Оюун-Эрдэнэ У.Хүрэлсүх Ерөнхийлөгчтэй түнжин хагарах сонирхолгүй байгаа бололтой. Хэрвээ энэ таамаг зөв бол өнөөгийн Ерөнхийлөгч У.Хүрэлсүх АТГ-ын дарга З.Дашдавааг улираан томилуулж, харин хууль цаазын тэргүүн хэн байх нь анхаарал татаж эхэллээ. 

Одоогоор АТГ-ын дарга, УЕП хэн байх вэ гэдэг нэрс хараахан албажаагүй байна.