АНУ-ын Денверийн олон улсын нисэх онгоцны буудалд “American Airlines” компанийн хөдөлгүүрт нь гэмтэл гарсан зорчигч тээврийн онгоц газарджээ. Денверийн олон улсын нисэх онгоцны буудалд газардсан агаарын тээврийн 1006 дугаарт нислэгийн зорчигчид онгоцныхоо далавчин дээр гарцгааж буй бичлэг олон нийтийн сүлжээнд цацагдсан байна.

“American Airlines” компанийн зорчигч тээврийн онгоц Колорадо Спрингсээс Даллас-Форт-Уэрт рүү нисч явсан ч саатлын улмаас Денвер рүү нисч зүгээ өөрчилжээ. Ингээд 172 зорчигч багийн 6 гишүүнтэй Боинг 737-800 онгоц Денверт газардах үед нэг хөдөлгүүр нь шатаж, онгоцны бүхээгийг битүү утаа бүрхсэн байсан гэж Холбооны нисэхийн удирдлагын газраас мэдэгдээд байна. Онгоцонд гарсан галыг бүрэн унтрааж багийн гишүүд болоод зорчигчдыг шуурхай аварсан байна.