Ардчилсан намын Улс төрийн зөвлөл өчигдөр /2025.02.26/ хуралдаж, Шинэ намтай нэгдсэн. Энэ үеэр АН-ын  Улс төрийн зөвлөл ХЗДХ-ийн сайд О.Алтангэрэлийн санаачилсан Хууль бус хөрөнгийг хураан авах тухай хуулийн төслийг чөдөрлөх тухай тохиролцжээ. 

Уг хуулийн төслийг Засгийн газар дэмжсэн ч одоогоор УИХ-д өргөн бариагүй.  Хууль бус хөрөнгийг хураан авах тухай хуулийн төслийг АН-ын жирийн гишүүд дэмжиж,   албан тушаалд томилогдсон  эрхэмүүд дэмжихгүй байгаа бололотой. 

Л.Оюун-Эрдэнийн Засгийн газарт АН-аас намын дарга Лу.Гантөмөр,  ХЗДХ-ийн сайд О.Алтангэрэл нар ажиллаж буй. Гэхдээ тэд Засгийн газраас өргөн баригдах уг хуулийн төсөлд хоёр өөр байр суурьтай байна. ЭЗХ-ийн сайд Лу.Гантөмөр Хууль бус хөрөнгийг хураан авах тухай хуулийн төслийг эсэргүүцэж буй талд нь зогсжээ.