УИХ-ын гишүүн асан Ж.Батзандан Засгийн гзрын бүрэн эрхт төлөөлөгчөөр томилогдон ажиллаж буй. Тэрээр стратегийн ордуудын 34 хувийг төр авах хэлэлцээрийг хувийн хэвшилтэй хийх юм. 

Стратегийн ордуудын ард талд нэг сайд, гурван гишүүн бий гэх мэдээлэл өгөв. 

Эрдэнэт үйлдвэрийн үүсмэл ордыг гурван компани эзэмшдэг бөгөөд нэг нь Зэс эрдэнийн хувь ХХК. энэ компанийн ард УИХ-ын хоёр гишүүн байдаг бөгөөд дүүгээ захирлаар нь ажиллуулдаг гэх мэдээлэл өгсөн юм. Энэ нь стратегийн ордыг хууль бусаар эзэмшиж буй гэх агуулгыг хөндсөн бөгөөд хэрвээ энэ тохиолдолд лицензийг нь цуцлах асуудал яригдана гэв. Ж.Батзандан Зэс эрдэнийн хувь ХХК-ийн ард баталгаатай хоёр гишүүн бий, гэхдээ нэрийг нь дурдахаас татгалзсан юм.

Тэгвэл энэ компанийн ард буй УИХ-ын хоёр гишүүн хэн бэ? 

УИХ-ын гишүүн Д.Батлут. 

2015 онд Орхон аймгийн Засаг даргаар ажиллаж байх үедээ "Зэс эрдэнийн хувь" ХХК-ийн үйлдвэр байгуулах захирамжийг гаргажээ. 

УИХ-ын гишүүн Э.Бат-Амгалан

“Зэс эрдэнийн хувь” компанийн 70 хувь “Бльюмон металс” компанийн гарт байна. “Бльюмон металс”-ын захирал нь Баянзүрх дүүргээс сонгогдсон, УИХ-ын гишүүн, МАН-ын Э.Бат-Амгалангийн төрсөн дүү Э.Батбаяр. “Бльюмон металс”-ын 4 хувьцаа эзэмшигчийн хоёр нь “Би Эй Ти девелопмент партнерс”, “Квантум электрик монголиа”  компаниуд. Хоёулаа Э.Бат-Амгалангийн дүү Э.Батбаяр, бэр Э.Энхмаа нарынх. Бүртгүүлснээсээ хойш жилийн дотор “Зэс эрдэнийн хувь”-ийн 70 хувийг өмчилдөг “Бльюмонметаллс”-ын хоёр хувьцаа эзэмшигч болжээ.