ХЗДХ-ийн сайд О.Алтангэрэл өчигдөр "MCS группийг хууль бусаар гүйцэтгэх ажиллагаа явуулсан. Төрийн нууцыг хууль бусаар олж авсан. Өөрөөр хэлбэл, хувийн байгууллага дэргэдээ тусгай байгууллагатай байсан. Улмаар хэдэн этгээдүүдийг саатуулж шалгаж байгаа" талаар мэдээлсэн. Уг мэдэгдлийн дараа Эм Си Эс группийн хэлтсийн дарга З.Төрмандахыг яллагдагчаар татсан. Тэрээр төрийн чухал албан тушаал хашиж байсан нэгэн бөгөөд хувийн компанид хөлслөгдөн ажиллаж улсын нууцтай холбоотой мэдээлэл задруулж байж болзошгүй гэж хардагдаж байсан юм. Дээрх баривчилгаатай холбоотойгоор нийгмийн сүлжээгээр Ерөнхий сайд замдаа таарсан бүхнээ ''булшилж'' өөрөө хаан суух гэж байна гэх мэтээр дургүйцлээ илэрхийлж буй. Энэ тухай АН-ын гишүүн Д.Сосорбарам өөрийн цахим хуудаснаа ингэж жиргэжээ. 

АН-ын гишүүн Д.Сосорбарам “Улс төрд ирэх цаг байхад буцах цаг бас байдаг” гээд 03 ирсэн, буцах зам нь шорон. Яагаад гэж үү. Бүх төрлийн тонуулчдыг хамгаалангаа бизнесменүүдийг төнхөж байна. Жишээлбэл Монполимет… одоо үргэлжлэх нь дээ. Хувийнхан ажлын байрыг буй болгодог.Төр мөлжлөгө л хийдэг" гэж жиргэжээ.