Автомашины эрэлт хэрэгцээг дагаад импорт эрс нэмэгдэж буй. Энэ оны нэгдүгээр сард 15950 автомашин хилээр оруулж ирсэн нь өмнөх оны мөн үетэй харьцуулахад 6.1 хувиар өссөн байна. Харин 2023 оны мөн үетэй харьцуулахад автомашины импорт 2.8 дахин нэмэгджээ.

Үндэсний статискийн хорооны нэгдүгээр сарын урьдчилсан гүйцэтгэлийн тайланд дурдсанаар, суудлын автомашины нийт импортод 10 болон түүнээс дээш жилийн насжилттай автомашины эзлэх хувь 57.7 хувь болж өмнөх оны мөн үеэс 7.4 нэгж хувиар нэмэгджээ.