Хээрийн цасны хэмжилтийн арваннэгдүгээр сарын 30-ны мэдээгээр уулархаг нутгаар 11-22 см, говь, тал хээрийн зарим сумын нутгаар 1-10 см хүртэл зузаан цастай байна хэмээн Цаг уур, орчны шинжилгээний газраас мэдээллээ.

Зудын эрсдэлийг 11 дүгээр сарын 30-ны байдлаар үнэлэхэд нийт нутгийн 30 орчим хувьд их байна. Мөн 20 гаруй хувьд нь дунд зэрэг эрсдэлтэй байгаа бол 30 гаруй хувьд бага эрсдэлтэй 10 гаруй хувьд эрсдэлгүй гэж гарчээ. Аймгийн дүнгээр авч үзвэл, Баян-Өлгий, Увс, Ховд, Говь-Алтай, Баянхонгор аймгийн ихэнх нутгаар нэн их болон их эрсдэлтэй байна. Түүнчлэн Завхан, Архангай, Өвөрхангай, Хөвсгөл, Сүхбаатар аймгийн зарим сумын нутгаар дунд зэрэг болон их эрсдэлтэй гарсан байна.