2024 оны арваннэгдүгээр сарын 11-17-нд болох үйл явдлын тойм

Улаанбаатарт:

11 дүгээр сарын 11-нд: УИХ дахь намуудын бүлэг хуралдана.

11 дүгээр сарын 11-нд: Хөдөө аж ахуйн ажилтны өдөр тохионо.

11 дүгээр сарын 11-нд: Монгол уламжлалт хэл хуурын өдөрт зориулсан баярын хурал Улаанбаатар театрт болно.

11 дүгээр сарын 11,12-нд: УИХ-ын Байнгын хороодын хуралдаан болно.

11 дүгээр сарын 11-13-нд: Европын Холбоо, ЕСБХБ, МҮХАҮТ хамтран “Ногоон эдийн засаг, ногоон бизнес- Эрчим хүчний шилжилт” үйл ажиллагааг зохион байгуулна.

11 дүгээр сарын 12-нд: Монголын орчин үеийн уран зохиолыг үндэслэгчдийн нэг, зохиолч, яруу найрагч Д.Нацагдоржийн мэндэлсний 118 жил, түүний гэгээн үйлийг сурталчлах, түүний нэрэмжит хэмээгдэн өргөмжлөгдсөн шинэ цагийн мэргэжлийн урлагийн ууган байгууллага УДЭТ-ын 93 жилийн ойг тохиолдуулан “Суут зохиолч их Нацагдорж” бүтээлийн өдөрлөгийг зохион байгуулна.

11 дүгээр сарын 13-нд: Засгийн газрын ээлжит хуралдаан Төрийн ордонд болно.

11 дүгээр сарын 13-нд: Европын Холбоо, ЕСБХБ, МҮХАҮТ хамтран “Ногоон эдийн засаг, ногоон бизнес- Эрчим хүчний шилжилт”-ийг зохион байгуулна.

11 дүгээр сарын 14-нд: МУИС-ийн ШУС-ийн ХУС-ийн Монгол хэл, хэл шинжлэлийн тэнхимийн магистр, докторын оюутнуудын дунд жил бүр зохион байгуулдаг “Эрдэм шинжилгээний бага хурал” МУИС-ийн хичээлийн II байрны 304 тоот танхимд болно.

11 дүгээр сарын 14, 15-нд: УИХ-ын нэгдсэн чуулганы хуралдаан болно.

11 дүгээр сарын 15, 16-нд: СТА Б.Алтанжаргал, СТА Б.Батцэцэглэн нарын хамтарсан “Хурмаст тэнгэр” тоглолт Соёлын төв өргөөнд болно.

11 дүгээр сарын 16-нд: УДБЭТ-ын уран бүтээлчид Ж.Бизе “Кармен” дуурийг тайзнаа толилуулна.

“Соёлын бүтээлч сар” орон даяар нэг сарын турш үргэлжилж байна.

Хилийн чанадад:

Монгол Улсын Ерөнхийлөгч У.Хүрэлсүх Бүгд Найрамдах Азербайжан Улсын Ерөнхийлөгч Ильхам Алиевийн урилгаар энэ сарын 12-13-ны өдрүүдэд тус улсын Баку хотноо болох Уур амьсгалын өөрчлөлтийн асуудлаарх дэлхийн удирдагчдын дээд түвшний уулзалтад оролцоно.

Орон нутагт:

11 дүгээр сарын 11, 12-нд: Төв аймагт Гэр бүл, хөдөлмөр, нийгмийн хамгааллын яамны харьяа 3 байгууллагын гамшгийн бэлэн байдлын үзүүлэх сургалт НДХэлтэст болно.

11 дүгээр сарын 11-15-нд: Дорнод аймагт: Аймгийн музейгээс Чойбалсан суманд "Чойбалсангийн үйл хэрэг, амьдрал" сэдэвт үзэсгэлэн, "Манлай ван Жамсрангийн Дамдинсүрэн", "Талын монгол", "Талын соёл" боловсролын хөтөлбөрийг зохион байгуулна.

11 дүгээр сарын 15-нд: Өмнөговь аймгийн төв номын сангийн 80 жилийн ойд зориулсан “Эгшиглэнт говь” яруу найргийн наадам болно.

11 дүгээр сарын 16,17-нд: Өвөрхангай аймагт Футзалын аймгийн аварга шалгаруулах тэмцээн болно.

МОНЦАМЭ агентлаг