УИХ-ын гишүүн, БОАЖ-ын сайд асан Н.Цэрэнбат энэ өдрүүдэд баруун аймгуудын иргэдтэй уулзалт хийж, Засгийн газрын 2020-2024 оны үйл ажиллагааны хөтөлбөрийн хэрэгжилт, бүсчилсэн хөгжил сэдвээр мэдээлэл өгч, санал солилцож байна.

Түүний уулзалтыг Сонгуулийн хууль зөрчсөн үйлдэл гэдгийг сонгуулийн байгууллагаас мэдэгдсэн. СЕХ-ны нарийн бичгийн дарга Д.Даваа-Очир “УИХ-ын гишүүн, сайд асан Н.Цэрэнбат баруун аймгуудад Засгийн газрын мөрийн хөтөлбөрийг танилцуулж яваа нь хууль зөрчсөн үйлдэл гэдгийг шууд хэлье” хэмээн тодорхой хэлсэн.

Ингэж хууль зөрчиж буйгаа илтэд зарлуулсан Н.Цэрэнбат иргэд рүү мессеж илгээжээ. Ингэхдээ нэр дэвшигчийг тодруулах намын санал асуулгад өөрийгөө дэмжихийг хүсэж, фэйсбүүк рүүгээ нэвтрэн орох линкийг давхар илгээсэн байна.