Либертари намыг үүсгэн байгуулагч Комедиан Д.Амартүвшин намаа Дээд шүүхэд бүртгүүлэх хүсэлтээ дахин өгч буй талаараа мэдэгдлээ. Тэрбээр өмнө нь ч энэ хүсэлтээ өгсөн байсан. Гэвч өнгөрсөн 2023 оны арванхоёрдугаар сарын 13-ны өдөр Дээд шүүх хүсэлтийг нь хүлээж авахаас татгалзаж байсан юм. Татгалзсан шалтгаанаа Дээд шүүх "Гишүүдийнх нь ургийн овог, овог, регистрийн дугаар зөрсөн. Мөн зарим мэдээлэл зөрүүтэй" хэмээн тайлбарласан байдаг.

Харин энэ намынхаа талаар тэрбээр "Ямар ч байсан Дээд шүүхэд бичиг баримтаа засаад өгчихлөө шүү. Чөлөөт зах зээлийг дэмждэг, хувь хүний эрх чөлөөг хамгаалдаг ийм нам заавал байх ёстой. Манай Монголд ихэнх нь зүүний намууд байгаад байдаг. Тэгэхээр үзэл санааны барууны нам заавал хэрэгтэй байгаа юм. Тийм учраас бид нар тууштай явж байна. Өнөөдөр материалаа өгсөн. Удахгүй хэдүүлээ сайхан мэдээтэй уулзах байхаа" гэлээ.