Цахим орчинд өнгөрсөн шөнө их хэмжээний юань оруулж иржээ гэсэн бичлэг тарсан байна. Зарим эх сурвалжийн мэдээлж буйгаар “Сонгуульд зориулсан мөнгө байж болзошгүй” гэх мэдээллийг өгчээ. Тус мөнгөн дэвсгэртүүдийг тамхины хайрцагнуудад хийн монголын хилээр оруулж ирсэн байж болзошгүй байна.
Харин энэ талаар цагдаагийн байгууллагаас тодруулахад “Өнөөдөр өглөө олон нийтийн цахим сүлжээ, тэр дундаа твиттер хуудсанд энэ талаарх мэдээлэл анх цацагдсан. Энэ талаар холбогдох байгууллагуудаас тодруулахад одоогийн байдлаар цагдаагийн байгууллагад бүртгэгдсэн, шалгагдсан тохиолдол одоогоор байхгүй байна. Энэ мэдээлэлтэй холбогдуулан ямар хүн, ямар зорилгоор шалтгаанаар ийм утгатай бичлэг тавив гэдэг талаар шалгалтын ажиллагааг явуулж байна. Хэрвээ хуурамч мэдээлэл тараасан гэдэг нь шалгалтын явцад тогтоогдоно. Хэрэв олон нийтийн сүлжээнд тарсан энэ мэдээлэл хуурамч байвал Эрүүгийн хуулийн 13.14-т зааснаар хариуцлага тооцно” гэж мэдээллээ.
| Уншиж байна |