Шүүхээс УИХ-ын гишүүн Б.Энх-Амгалан, ЕТГ-ын дарга З.Энхболд нарт 40 сая төгрөгийн торгууль, нийтийн албанд томилогдох эрхийг 5 жилээр хасах шийтгэл оноогоод буй. Шүүхийн шийдвэрийн талаар УИХ-ын гишүүн Б.Энх-Амгалан өнөөдөр байр сууриа илэрхийллээ.

Тэрбээр “Шүүхийн шийдвэрт хүндэтгэлтэй хандаж байна. Гэхдээ би гэм буруугүй. Тиймээс анхан шатны шүүхийн шийдвэрийг давж заалдана. Давж заалдах шүүхийн шийдвэр эцэслэн гарсны дараа би энэ хэрэг яаж эхэлсэн, яаж өрнөсөн, яаж дууссан талаарх бүх мэдээллийг баримт, цаг хугацаатай нь ярьж өгнө. Одоо цаг нь арай болоогүй байна. 

Энэ хэрэг цаанаа улс төрийн захиалгатай гэж хардаж байгаа. Энэ талаар нарийн хэлж өгнө.

Би нутгийн ард түмнийхээ итгэлийг хүлээн авч сонгогдсон, УИХ-ын гишүүн. Та бүхний сонгосон гишүүн авлигачин, хулгайч биш, гэм буруугүйг цаг хугацаа нотолно" гэдгийг хэлэв.