Шүүх шинжилгээний ерөнхий газраас Шүүх шинжилгээний байгууллагын генетик мэдээллийн сангийн программ хангамж нийлүүлэх нийлүүлэгчийг сонгон шалгаруулах ТЕНДЕР зарласан байна. 

Улсын төсвийн хөрөнгө оруулалтаар хийгдэх энэхүү ажилд 850 сая төгрөг зарцуулахаар төлөвлөжээ. Гэхдээ анхаарал татаж байгаа нэг зүйл нь энэхүү худалдан авалт нь Шүүх шинжилгээний ерөнхий газрын 2024 оны төлөвлөгөөнд тусгайлан дурьдагдаагүй байна. Тус газрын хувьд энэ онд 4.7 тэрбум төгрөгийг тоног төхөөрөмж /программ хангамж/ авахад зарцуулахаар төлөвлөж Шилэн дансандаа мэдээлжээ. Мөн үүнээс гадна ШШЕГ энэ онд тээвэр шатахуун авахад 80 сая төгрөг, нормын хувьцас зөөлөн эдлэл авахад 1.4 тэрбум төгрөг, мэдээлэл технолгийн үйлчилгээ авахад 195 сая төгрөг, хөдөлмөр хамгааллын хэрэгсэлдд 191 сая төгрөг, багаж хэрэгсэл авахад 852 сая төгрөг, эм бэлдмэл, эмнэлгийн хэрэгсэл авахад 1.4 тэрбум төгрөг зарцуулахаар төлөвлөжээ.