Баянзүрх дүүргийн 26 дугаар хорооны нутаг дэвсгэр, "Дүнжингарав" худалдааны төвийн уулзварт 60 тонн хийн газ тээвэрлэж явсан автомашин эргэх үед осолд гарч, дэлбэрэлт үүссэний улмаас Онцгой байдлын байгууллагын гурван алба хаагч амь эрсдсэн харамсалтай хэрэг гарлаа. 

Энэхүү харамсалтай үйл явдалд АНУ-аас манай улсад суугаа Элчин сайд Ричард Буанган эмгэнэл илэрхийлжээ.

Тэрбээр "Өнгөрсөн шөнө Дүнжингарав худалдааны төвийн орчимд аймшигт осол гарсанд гүнээ харамсаж байна. Сэтгэл донсолгосон энэхүү ослоор амь насаа алдсан ОБЕГ-ын албан хаагчдын ар гэр, хамт олонд гүн эмгэнэл илэрхийлье.

Гэмтсэн иргэдийг хурдан, бүрэн эдгэрэхийг хүсэж, энэхүү ослоор ойр дотнынхон, хамтран ажиллагсдаа алдсан, эд хөрөнгөөрөө хохирсон хүмүүст дахин гүн эмгэнэл илэрхийлье" гэсэн байна.

Тэгвэл яг одоогоор Монголын төр ТАГ ЧИГ байна. Ерөнхийлөгч, УИХ-ын дарга, Ерөнхий сайд, нийслэлийн засаг дарга нарын алиных нь бараа харагдсангүй. Тэд ард түмэндээ нөхцөл байдлыг тайлбарлаж, эмгэнэл илэрхийлж зогсох учиртай. Гэвч тэдэнд тийм ёс зүй, хүн чанар, албаны хариуцлагын ХЭЛТЭРХИЙ Ч АЛГА. 

Гэтэл өөр улсын Элчин сайд нь эмгэнэл илэрхийлж, өргөсөн тангарагтаа үнэнчээр зүтгэж, халуун амиа алдсан алба хаагчдын хойноос гашуудаж байна.