УИХ-ын гишүүн Б.Бат-Эрдэнэ өчигдөр мэдээлэл хийх үеэрээ "Оюутолгойн 34 хувийг өндөр хүүтэй зээлээр авах гэрээг С.Баяр, С.Баярцогт, Ч.Сайханбилэг, Ц.Элбэгдорж нар хийсэн. 2008 оноос үүнийг эсэргүүцсэн. Түүнээс хойш гүтгэж, харлуулж байна" гэсэн юм. 

Тэгвэл үүнд Ерөнхий сайд асан С.Баяр " 2009 онд ОТ төсөл УИХ-р хэлэлцэхэд ЕС байсан би "Энэ 34 хувь авч яах юм. Гарах бүх зардлын 1/3. Бидэнд тийм мөнгө алга. Зээл авна, өрөнд орно. Тэрний оронд АМНАТ-аа ахиухан авъя. УУ төсөл угаас эрсдэлтэй" гэхэд хэсэг гишүүд түрсээр байгаад хувьцааны 34 хувь заавал авах тухай УИХ-ын 57-р тогтоол баталсан. Энэ гишүүн тэгэхэд "бүр 51 хувь авах ёстой" гэж байв. Энэ тухай "60-60" номонд тодорхой бий. Одоо буруутан нь ЕС асан би. "Цагийг эзэлсэн их аварга" бол буянтан. Хувь заяаны шоглоомоо гэж...

Түүхэн баримт үлддэг. "ЗӨВШӨӨРСӨН" гэдэг нь хувьцааны 34 хувь ЗГ заавал ав гэсэн нь. "ТАТГАЛЗСАН" гэдэг нь 34 хувь ЗГ авах нь буруу гэж үзсэн нь. ЖИЧ: Санал хураасан 2009.07.16- ны өдөр бидний зарим УИХ-ын гишүүн Япон Улсад албан ёсоор айлчилж байсан тул санал хураалтад оролцох, үг хэлэх, байр сууриа илэрхийлэх боломж олдоогүй. Айлчлалаа танаад Монголд яаралтай ирэхэд "поезд ушел" байсан" гэсэн байна.