Хөрөнгө оруулалтын тухай хууль, Төрийн өмчит хуулийн этгээд байгуулахыг хориглосон хуулийн төслийн талаар УИХ-ын гишүүн Б.Бат-Эрдэнэ, Ц.Даваасүрэн, Х.Болорчулуун нар мэдээлэл хийлээ.

УИХ-ын гишүүн Ц.Даваасүрэн “Бид энэ хоёр хуулийн хор уршгийн талаар олон нийтэд мэдээлэл өгсний хариуд маш хүчтэй дайралтууд явлаа. Бидний авсан мэдээллээр энэ сонгууль хүртэл үргэлжлэх бололтой.

УИХ руу стратегийн нэг орд орж ирэх гээд байгаа. Стратегийн ордын 50 хүртэлх хувийг төр эзэмшиж байж ард түмэн хувь хүртэнэ. Төрийн өмчийн компани байгуулахгүй гэдэг нь төрийн 34, 50 хувийг байхгүй болгоно. Хувь хүн 100 хувь стратегийн орд эзэмшдэг болгох хуулийг оруулж ирж байна. Үүнийг нь хэлэхээр хорсож, үхэх гэж байна. Бид гүтгэлэгтэй тэмцэж, хууль хяналтын байгууллагад өгнө.

Бидний дунд газраа 100 жилээр ашиглуулж, гэр бүлтэй нь байнга оршин суух виз өгнө гэдэг хүн байгаад анхаарах цаг болсон байна. Тусгаар тогтнолын хамгийн том аюул дотроосоо үүсдэг. Дотроосоо элдэв хууль санаачилж, тусгаар тогтнолыг алсуур нь ганхуулах юмнууд орж ирж байна” гэсэн байр суурийг илэрхийлэв.