Эрдэнэс Тавантолгой ХК-ийн 1072 хувьцааны ногдол ашиг тараах асуудал Засгийн газар, УИХ-ын түвшинд яригдаж байна. Иргэдэд ногдол ашиг тараах талаар улс төрийн шийдвэр гарч болох ч энэ нь компанийн санхүүд хүндрэл учруулахыг Эрдэнэс Монгол ХХК-ийн гүйцэтгэх захирал С.Наранцогт цахим хуудсанаа бичжээ.

Тэрбээр "Засгийн газраас 2012 оны 4-р сараас хойш төрсөн иргэддээ 1072 хувьцааг эзэмшүүлэх, иргэдийн хувьцааг "амь оруулах" зорилготой тогтоолын төслийг УИХ-аар хэлэлцүүлж байна.

Эрдэнэс Таван Толгой хувьцаат компанид Засгийн газрын бүрэн эрхэт төлөөлөгч томилогдон ажиллах хугацаанд санхүүгийн үзүүлэлтүүд эрс сайжирч хувьцаа эзэмшигч иргэдэд ногдол ашиг олгох боломж бий болсон.

Гэхдээ төрийн эзэмшилд ногдох ногдол ашгийг бэлэн мөнгөөр олговол компани төлбөрийн чадваргүй болох бодит эрсдэлтэй. Тиймээс төрд ногдох ногдол ашгийг Эрдэнэс Таван Толгой болон төрийн өмчит компаниудын хооронд үүссэн өр төлбөрт суутгах зохицуулалт хийх эрхийг УИХ-аас Засгийн газарт олговол иргэдэд ногдол ашиг хувиарлах санхүүгийн боломж бүрдэх юм" гэжээ.