УИХ-ын чуулганы өнөөдрийн хуралдаан эхэллээ. Хуралдааны эхэнд УИХ-ын дарга өнөөдрийн чуулганы хуралдаанаар хэлэлцэх асуудлын дарааллыг танилцууллаа. 

Хэлэлцэх асуудалтай холбогдуулан УИХ-ын гишүүн Ш.Адьшаа: Бүсчилсэн хөгжил ярих ёстой. Гэхдээ яам  тамгын газар нүүлгэнэ гэсэн судалгаа тооцоогүй юм хиймээргүй байна. Сонгуулийн өмнө бүсчилсэн хөгжил гэдэг нэрийн доор төрийн байгууллагуудыг орон нутагт шилжүүлнэ гэсэн тогтоолын ард ямар санаа агуулагдаж байгаа юм. Цаг үеэ олоогүй, тооцоо судалгаагүй энэ асуудлаа Засгийн газар татаж ав. Монгол Улсад тулгамдсан шийдэх асуудал олон байна. Орон нутгийн руу яам тамгын газрыг нүүлгэх нь байтугай Яармаг руу нүүсэн БОАЖЯ руу очих гэж ямар их хүнд суртал гарч байна. Мөн УИХ-д Халзан бүргэдэйн асуудлаар Ерөнхий сайдад асуулга тавиад жил болж байгаа ч оруулж ирэхгүй байна. Ямар учиртай юм бэ? Нэг оруулж ирээд С.Амарбаясгалан дарга бичиг өгөөд буцаачихсан. 

УИХ-ын гишүүн Б.Пүрэвдорж: Гурван жилийн турш ядуурлын статистик танилцуулаагүй байна. Энэ нь ядуурал улам нэмэгдсэн гэсэн үг. Найман жилийн турш эрх барьсан та бүхний алдаатай бодлогоор эдийн засаг уналтад орж иргэдийн амьдрал маш хүнд байгаа. Сар шинийн өмнө ЭТТ-н ногдол ашгийн 580 мянган төгрөгийг иргэн болгонд өгөхийг шаардаж байна