Өмнөд Солонгос К-поп шүтэн бишрэгчдэдээ зориулсан виз гаргана

Өмнөд Солонгос улсынхаа соёлыг сонирхдог, шүтэн биширдэг хүмүүст зориулан Hallyu виз буюу "К-культурын сургалтын виз" нэртэй шинэ төрлийн визийг гаргах гэж байгаа талаар Forbes мэдээллээ.
Forbes- ийн мэдээлснээр, энэ виз нь орон нутгийн урлагийн академид элссэн гаднын хүмүүст хоёр жил хүртэл хугацаагаар оршин суух боломжийг олгоно. Hallyu буюу "Солонгосын давлагаа" нь Өмнөд Солонгосын соёлын экспорт, тэр дундаа К-поп хөгжим, жүжиг, кино болон бусад урлагийг олон улсад үнэлдэг хүмүүст зориулжээ. Hallyu визэнд тавигдах тодорхой шаардлагуудыг хараахан зарлаагүй байгаа ч 2024 оны хоёрдугаар хагас гэхэд дэлгэрэнгүй мэдээлэл өгөх төлөвтэй байна.
Соёл, спорт, аялал жуулчлалын яам энэхүү санаачилгыг удирдаж байгаа юм. Тэд залуу уран бүтээлчид, зохиолчдыг дэмжиж, шүтэн бишрэгчдийг өөрийн улс руугаа татах нь гол стратегийн нэг хэмээн үзэж байгаа аж. Нэмж дурдахад тус улс энэ онд АНУ, Швед зэрэг орнуудад “K Tourism Road Show”-г эхлүүлэхээр төлөвлөж байгаа гэнэ.
СЭТГЭГДЭЛ БИЧИХ