Нүүрсний нээлттэй сонсгол Эрдэнэс Тавантолгой ХК-иас санхүүжүүлсэн төмөр замын төслүүдийн талаар үргэлжилж байна.

Эхний асуудал болох Тавантолгой-Зүүнбаян чиглэлийн төмөр замын асуудлаар Ерөнхийлөгч асан Х.Баттулга тэргүүтэй 15 гэрчийг дуудсан байна. Гэвч Ерөнхийлөгч асан Х.Баттулга сонсголд ирсэнгүй. Тэрбээр гадаад томилолттой байгаа учраас сонсголд очиж амжихгүйгээ өмгөөлөгчөөрөө дамжуулан мэдэгджээ.

Шинжээчийн дүгнэлтээс:

Тавантолгой-Зүүнбаян чиглэлийн төмөр замын төслийн дээд бүтцийн ажил, холбоо дохиолол суурилуулах ажилд нийт 30 компани туслан гүйцэтгэгчээр ажилласан байна. Тэднээс улс төрийн хамааралтай компаниудыг танилцуулав.

• Нийт 5 тэрбум төгрөгийн гэрээ байгуулсан Болор болд зам ХХК-ийн эцсийн өмчлөгч Б.Мэндсайхан нь УИХ-ын гишүүн асан Б.Гарамгайбаатарын дүү

• Нийт 2.9 тэрбум төгрөгийн гэрээ байгуулсан Аржройд ХХК нь Мон Арж зам ХХК-тай нэгдмэл сонирхолтой. Мон Арж зам ХХК-ийн эцсийн өмчлөгч Г.Тэнгис нь УИХ-ын гишүүн асан Б.Гарамгайбаатарын хүү

• Нийт 24.8 тэрбум төгрөгийн гэрээ байгуулсан Монгол зам групп ХХК нь  МОСМЕП ХХК, УИХ-ын гишүүн Н.Ганибалтай нэгдмэл сонирхолтой.

•  Нийт 7.1 тэрбум төгрөгийн гэрээ байгуулсан Эрдэнэзам ХХК нь Бишрэлт Холдинг ХХК, УИХ-ын гишүүн асан Б.Ундармаатай нэгдмэл сонирхолтой.

• Нийт 13.2 тэрбум төгрөгийн гэрээ байгуулсан Говь инфрастракчер партнерс ХХК нь Сангийн яамны газрын дарга Ц.Батзултай нэгдмэл сонирхолтойг шинжээч танилцууллаа.