БНХАУ-тай хиллэдэг Монгол Улсын Замын-Үүд автозамын хилийн боомтын ачаа тээврийн урсгалыг 24 цагаар ажиллуулах туршилтыг 12 дугаар сарын 16-наас эхэлжээ.

Энэ сарын 31-нийг хүртэл үргэлжлэх туршилт амжилттай явагдвал цаашид ачаа тээврийн хэсгийг 24 цагаар ажиллуулах аж. Замын-Үүд хилийн боомт 24 цагийн горимд шилжсэнээр ачаа тээврийг шуурхай, саадгүй тээвэрлэж, өргөн хэрэглээний бараа бүтээгдэхүүний үнэ буурах боломж бүрдэнэ.

Цаашид зорчигч тээврийн хил нэвтрэх хугацааг уртасгах чиглэлээр БНХАУ-ын талтай санал солилцож байгааг ЗТХЯ-наас мэдээлэв.