Герман, Нидерланд, Дани гэсэн Европын гурван орноос долоон хүнийг баривчилжээ. Эдгээр нь ХАМАС бүлэглэлийн гишүүн байж болзошгүй гэж хууль сахиулагчид үзэж байгаа талаар ВВС мэдээлсэн байна.

Эх сурвалжийн мэдээлснээр, эдгээр хүмүүс ХАМАС бүлэглэлийн гишүүд байж болзошгүйн дээр еврейчүүдийн эсрэг халдлага, бусад алан хядах ажиллагаа зохион байгуулахаар төлөвлөж байсан гэнэ. Баривчлагдсан хүмүүсийн гурав нь ХАМАС-тай холбоотой, Ливан, Египетээс цагаачилж ирсэн хүмүүс, өөр нэг нь Нидерландын иргэн аж.

Германы прокурорын газрын мэдээлснээр, баривчлагдсан хүмүүсийн нэг нь Ливан дахь ХАМАС-ын удирдлагуудаас заавар тушаал авсан байсан гэнэ.Эдгээр хүмүүс Газын зурвас дахь дайн болон Дани, Шведэд Коран судрыг шатаасантай холбоотойгоор алан хядах ажиллагаа зохион байгуулахаар төлөвлөж байсан аж. 

Г.Бямбасүрэн