АНУ-д өөрөө үйлдээгүй гэмт хэргийн улмаас 27 жил шоронд ял эдэлсэн эр эрх баригчдаас 50 сая долларын нөхөн төлбөр шаарджээ. Энэ талаар Ассошейтед Пресс агентлаг мэдээлсэн байна. 

Эх сурвалжийн мэдээлснээр, 46 настай Томас Малик 1995 оны 11 дүгээр сарын 26-ны өдөр Нью-Йоркийн метронд болсон гэмт хэрэгт хэлмэгдэн шийтгүүлжээ. Тухайн үед үл мэдэгдэх этгээдүүд Маликын ажилладаг өртөөг дээрэмдэхийг завдах үеэрээ 56 настай кассчин Харри Кауфманыг зэрлэгээр хөнөөсөн байна. Тэд кассын мөнгөний хэсэг рүү бензин цутгаж, кассчныг амьдаар нь шатаажээ. 

Энэ хэрэг нийгэмд ихээхэн дуулиан тарьж, энэ төрлийн үзэгдэл гардаг "Мөнгөний галт тэрэг" киног хориглох саналыг ч Сенат гаргаж байлаа.

Энэ хэрэгт Томас Малик, Винсент Эллерб, Жеймс Айронс нарыг буруутган, ял оноосон байна. Харин 2022 онд Бруклинаий прокурорын газар эдгээр эрчүүд хуурамч, зөрүүтэй мэдүүлгүүд, бусад алдаатай нотлох баримтын улмаас шийтгүүлсэн гэдгийг хүлээн зөвшөөрчээ.

Ингээд хэлмэгдэж, 27 жилийг шоронд өнгөрүүлсэн Томас Малик мужийн эрх баригчдаас 50 сая доллар буюу монгол мөнгөөр тооцвол 174,8 тэрбум төгрөгтэй тэнцэх хэмжээний нөхөн төлбөр шаардаж байгаа аж. 

Г.Бямбасүрэн