АНУ-ын Ерөнхийлөгч асан Дональд Трамп өнөөгийн Ерөнхийлөгч Жо Байденыг байнга шүүмжилдгийн дээр түүнийг төрийн эрхэнд үлдээхгүйн тулд ирэх онд болох Ерөнхийлөгчийн сонгуульд оролцоно  гэж мэдэгдэж байлаа. Энэ удаад ч тэрбээр Байденыг шүүмжилж, хамгийн муу ерөнхийлөгч гэж мэдэгджээ. 

"Жо Байден бол АНУ-ын түүхэн дэх хамгийн чадваргүй, хамгийн муу, хамгийн ихээр авлигад идэгдсэн ерөнхийлөгч" хэмээн Трамп Айова мужид сонгогчидтой хийсэн уулзалтын үеэр мэдэгджээ. 

Трамп багтдаг Бүгд Найрамдах намынхан ч Байденыг авлигал авсанд буруутгадаг. Тиймдээ ч бүгд найрамдахчууд олонх болсон Төлөөлөгчдийн танхим Байденд импичмент зарлах зорилгоор мөрдөн шалгах ажиллагаа явуулахаар болсон юм.

Г.Бямбасүрэн