2024 оны "Алтан бөмбөрцөг" наадмын шагналын хамгийн олон нэр төрөлд "Барби", "Оппенхеймер" кинонууд нэр дэвшсэн талаар ВВС агентлаг мэдээлжээ. 

"Барби" кино есөн төрөлд, "Оппенхеймер" найман төрөлд, "Killers of the Flower Moon" долоо, "Poor Things" долоо, "Past Lives" тав, "May December"  дөрөв, "Anatomy of a Fall", "Maestro" кино дөрвөн төрөлд нэр дэвшсэнээрээ "Алтан бөмбөрцөг" наадмын хамгийн олон нэр төрөлд дэвшсэн кинонуудад тооцогдож байна.

Энэ онд үзэгчдийн анхаарлыг ихээр татсан "Барби" киноны тухайд, гол дүрийн жүжигчин Марго Робби "мюзикл, комедийн шилдэг эмэгтэй дүр" нэр төрөлд дэвшжээ. Марго Робби мөн хэвлэлүүдээр ч оны шилдэг хүнээр тодорсоор байгаа юм. Харин энэ киноны Кений дүрд тоглосон Райан Гослинг "шилдэг туслах дүр", киноны найруулагч Грета Гервиг "Шилдэг найруулагч" төрөлд нэр дэвшсэн байна. 

"Оппенхеймер" кино кино урлагийн салбар дахь амжилт болон ашиг орлого төрөлд нэр дэвшжээ. Энэ нь 2024 онд л анх удаа ялагчийг тодруулах шинэ төрөл юм. Үзэгчдийн дунд ихээхэн алдартай болсон киног онцгойлон тэмдэглэхийн тулд ийм нэр төрлийг шинээр бий болгосон байна.

Г.Бямбасүрэн