АНУ-ын Нью-Йорк хотын оршин суугч эр хоёр жилийн дотор хоёр дахь удаагаа 10 сая доллар хожжээ. Энэ талаар Нью-Йорк Пост сонин мэдээлсэн байна. 

Түүнийг Уэйн Мюррей гэх бөгөөд хоёр жилийн өмнө лотоноос 10 сая доллар хожиж байсан бол энэ удаад ч дахин ховор аз түүнд таарчээ. Тэрбээр асар их мөнгөн хонжвор таарсан хоёр сугалаагаа тус бүр 30 доллараар худалдан авч байсан гэнэ. Уэйн Мюррей бүх татвар төлсний дараа 6 000 000 доллар буюу монгол мөнгөөр 20,8 тэрбум төгрөгийн хонжвор гардан авчээ. 

Уэн Мюррейд хонжвор таарсан сугалааг худалдсан дэлгүүрийн эзний өгүүлснээр Мюррей их хэмжээний хонжвор авсан ч огтхон ч өөрчлөгдөөгүй, лото тоглох дуртай тул лотоны тасалбар авсан хэвээр байгаа гэнэ.

Г.Бямбасүрэн