ОХУ-ын Төрийн думын Төсөв, татварын хорооны гишүүн Евгений Федоров ОХУ-д хүүхэдгүйн татвар ногдуулдаг болох санаачилга гаргажээ. Энэ талаарх  мэдээллийг Коммерсант дамжуулсан байна. 

Түүний мэдэгдсэнээр, Зөвлөлт Холбоот Улсын үед ногдуулдаг байсан шиг хүүхэдгүйн татварыг дахин сэргээх нь зөв алхмуудын нэг, тэр дундаа төрөлтийг дэмжих зорилгоор ээжүүдэд олгодог нийгмийн халамж, тэтгэмжид зарцуулах төсөв мөнгө багассан тохиолдолд ийм татвар ногдуулснаар төсөвт нэмэлт хөрөнгө бүрдэх боломжтой гэнэ.

Энд дуулгахад, ЗХУ-ын үед "Ганц бие, бүл багатай иргэдэд ногдуулах татвар" 1941 оноос эхлэн үйлчилж байсан. Гэрлээгүй, хүүхэдгүй иргэд энэ татварыг төлдөг байсан бөгөөд 1990-ээд онд энэ татварыг цуцалсан юм.

Г.Бямбасүрэн