Нүүрсний хэргийг хянан шалгах нотлох баримтыг шинжлэн судлах сонсгол ирэх арванхоёрдугаар сарын 4-нд эхлэхээр болсон талаар “УИХ-ын “Нүүрсний хулгай”-г хянан шалгах Түр хорооны дарга Б.Энхбаяр мэдээллээ. 

 Нотлох баримтыг шинжлэн судлах нээлттэй сонсголыг хоёр үе шаттайгаар зохион байгуулахаар төсөлд тусгажээ. Эхний үе шат 2023 оны арван хоёрдугаар сарын 04-08-ны өдрүүдэд болох бөгөөд “Тавантолгой” ХК-ийн нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ худалдан авалтын үйл ажиллагаа; “Эрдэнэс Тавантолгой” ХК-ийн нүүрс олборлолт, бараа, ажил, үйлчилгээ худалдан авалтын үйл ажиллагааны талаарх нотлох баримтуудыг шинжлэн судалж, нээлттэй сонсгол хийх юм байна. Хоёр дахь үе шатыг энэ сарын 18-22-ны өдрүүдэд зохион байгуулахаар төсөлд тусгасан бөгөөд “Эрдэнэс Тавантолгой” ХК-ийн нүүрс борлуулалт, тээвэрлэлт, экспортын үйл ажиллагаа, охин болон хараат компаниудын хөрөнгө оруулалт, тэдгээрийн үйл ажиллагааны талаарх нотлох баримтуудыг шинжлэн судалж, нээлттэй сонсгол хийх юм.

Энэ талаар ХЗДХ-ийн сайд Б.Энхбаяр "Өнөөдрийн хуралдаанаар гэрчээр дуудах хүмүүсийн нэрсийг баталсан. Нийт 175 иргэнийг ГЭРЧЭЭР дуудна. Хяналт шалгалтын ажил үргэлжилж байгаа учраас нэмж дуудах шаардлага үүснэ. Эхний сонсгол буюу жижиг ТАВАНТОЛГОЙ компанитай холбоотой хийгдэх сонсгол дээр 175 хүн гэрчээр ирнэ гэсэн үг. 

Эхний өдөр УИХ-ын гишүүн асан Д.Бат-Эрдэнэ, УИХ-ын гишүүн Ш.Адьшаа, УИХ-ын гишүүн асан Р.Амаржаргал, УИХ-ын гишүүн асан Ц.Баярсайханы гэр бүлийн хүн Эрдэнэцэцэг, Б.Бадраа, Б.Батаа, Б.Мятав, Б.Дэндэвсамба, Б.Цэвээн, Ц.Отгонбаяр, Ж.Сандаг, Л.Цэцэг-Өлзий, Н.Амарзаяа, А.Идэрцог, Д.Мядагсүрэн, С.Сумъяа, Р.Сэддорж, Д.Эрдэнэбаяр, Ц.Мөнхдэлгэр, Г.Сүрэнхишиг, Ж.Доржсүрэн, П.Мөнхтуул, Нэхийт, Оюун-Эрдэнэ, Г.Алтансүх, МУ-ын Ерөнхийлөгч асан Ц.Элбэгдорж, Ерөнхий прокурор асан Д.Дорлигжав, М.Энх-Амгалан нарыг гэрчээр дуудна" гэлээ.