Америкийн ютүбер MrBeast нэгэн хачирхалтай туршилт хийжээ. Тэрбээр газар дор, авсан дотор долоо хоногийг өнгөрүүлсэн байна. MrBeast авсанд өнгөрүүлсэн үеийн бичлэгээ Youtube дэх сувагтаа оруулсан байна.
Авсанд орохын өмнө тэрбээр костюм өмсөж, хоол, ус нөөцөлсөн тусгай авсанд хэвтжээ. Авсан дотор юу болж байгааг бичиж авах камеруудыг ч суулгасан байна. Дараа нь авсыг ухсан нүхэнд хийж, экскаватороор есөн тонн шороо асгажээ.
Түүний хувьд авсанд өнгөрүүлсэн долоо хоногийн хугацаанд хамгийн хэжцүү нь сэтгэлзүйн дарамт байсан гэнэ. Өөрийгөө сайн дураар "оршуулсан" тэрбээр хэдэнтээ уйлж, сэтгэл санаагаар унаж байжээ. Таван өдрийн өмнө оруулсан түүний энэ бичлэг одоо 80 сая хандалттай болсон байна.
MrBeast өдгөө 25 настай, дэлхийн хамгийн алдартай, баян юүтүберт тооцогддог. Тэрбээр зар сурталчилгаанаас сард 3-5 сая долларын орлого олдог аж.
Г.Бямбасүрэн
Уншиж байна |