БНАСАУ сансарт тагнуулын хиймэл дагуул амжилттай хөөргөснөө зарлажээ. Хиймэл дагуул хөөргөх явцыг БНАСАУ-ын удирдагч Ким Жон Ун биечлэн ажигласан гэж ВВС агентлаг мэдээлсэн байна. 

Maligyong-1 нэртэй тагнуулын цэргийн хиймэл дагуул дэлхийн тойрог замд орсон гэж Хойд Солонгосын төрийн хэвлэл мэдээллийн агентлаг мэдээлжээ. Хиймэл дагуулыг хөөргөхөд Хятадтай залгаа хилээс холгүйхэн орших Сохэ комплексийг ашигласан байна.

Хойд Солонгос ийнхүү тагнуулын хиймэл дагуул хөөргөснийг Японы Ерөнхий сайд Фумио Кишида шүүмжилж, энэ хиймэл дагуул нь Окинава мужийн дээгүүр нисэж өнгөрсөн туүл оршин суугчдад сэрэмжлүүлэг өгсөн байна.

Харин АНУ Хойд Солонгосын энэ үйлдлийг НҮБ-ын хэд хэдэн тогтоолыг "бүдүүлгээр зөрчсөн хэрэг" хэмээн буруутгасан бол Өмнөд Солонгос Хойд Солонгостой залгаа хилийн орчимд ажиглалтаа сэргээнэ хэмээн мэдэгджээ.

Г.Бямбасүрэн