АНУ-ын Тэнгисийн цэргийн хүчний тагнуулын онгоц газардах үедээ осолджээ. Энэ талаарх мэдээллийг Нawaii News Now цахим хэвлэл дамжуулсан байна. 

Эх сурвалжийн мэдээлснээр, АНУ-ын Тэнгисийн цэргийн хүчний Boeing P8 Poseidon  онгоц газардах зурвас руу орж чадалгүй, Хавайн арлуудын эрэг орчмын усанд унаж осолджээ. Тухайн үед онгоцонд есөн хүн байсан, тэд амьд мэнд, хүнд хөнгөн гэмтсэн байна. Онгоц усанд осолдсоны дараа онгоцонд байсан хүмүүс өөрсдөө эрэг рүү сэлж хүрсэн, одоо эмнэлэгт эмчлүүлж байгаа гэж эх сурвалж мэдээлжээ. 

Хавай дахь АНУ-ын тэнгисийн явган цэргийн баазын төлөөлөгч Хейли Хармсын мэдэгдсэнээр, осол гарсан шалтгааныг тодруулахаар холбогдох мэргэжилтнүүд ажиллаж байгаа гэнэ.

Г.Бямбасүрэн