Хумхын ордныхны хувьд өнгөрсөн жил эхэлсэн өөрчлөлтүүд энэ онд амьдралын олон талбарыг хамрана. Оны эхнээс л ихээхэн өөрчлөлтүүд гарна. Хумхын ордныхон ихээхэн амжилтад хүрч чадна. Үүний тулд алхам бүрээ бодож, эрчтэй ажиллах хэрэгтэй. 

Эрчүүдийн зурхай 
 

Заримдаа хий дэмий мөрөөддөг эрчүүд “газардах” хэрэгтэйгээ ойлгоно. Бусад ордуудын адилаар Хумхын ордныхны хувьд ч луу жил шилжилтийн үе болох тул олон үйл явдлын дунд төөрч будилах эрсдэл гарч магадгүй. 

Энэ онд эсвэл урагшлах эсвэл зогсохоос өөр сонголтгүй үе олон тулгарна. Луу жилд Хумхын ордны эрчүүд ажил хэргийн холбоо харилцаагаа тэлж, мэргэжлийн тал дээр өсөн дэвжинэ. Карьерын тал дээр ихээхэн амжилттай байна. 

Мөн амьдралд нөлөөлөхүйц шийдвэр гаргах шаардлагатай тулгарч болзошгүй. Үе үе сорилтыг туулах шаардлагатай болсны төлөө сэтгэлээр унах хэрэггүй. Хумхын ордныхны хувьд сорилт бол дахин төрөх, өөрийгөө шинэчлэх, амар амгалан байдлыг олж авах боломж юм. 

Энэ онд сэтгэлзүйн эрүүл мэнддээ онцгой анхаарах хэрэгтэй.Амьдралд гарсан эрс өөрчлөлтүүд эрүүл мэнд болон хайр дурлалд нөлөөлж болзошгүй. 

Эмэгтэйчүүдийн зурхай 
 

Хумхын ордны эмэгтэйчүүдийг анх харахад нэг их хүчтэй биш харагддаг. Гэхдээ тэдний хүч чадал, амьдралд үзүүлэх нөлөөлөл аажмаар өсөн нэмэгддэг. Оны хоёрдугаар хагаст өөр орон руу явах, ажлын байраа өөрчлөх эсвэл үйл ажиллагааны чиглэлээ өөрчлөх шаардлага гарч магадгүй тул оны эхний хагасаас ийм өөрчлөлтөд бэлдэх хэрэгтэй. 

Хуучнаа бүрэн сүйтгэж байж шинийг эхлэх хэрэгтэй үе ч гарч мэднэ гэдгийг ойлгох хэрэгтэй. Амьдралд гарсан хүндрэлтэй асуудлууд Хумхын ордны эмэгтэйчүүдийн жинхэнэ хүч чадлыг харуулдаг бол 2024 онд энэ ордны эмэгтэйчүүд өөртөө хандах хандлагаа ихээхэн өөрчилнө. 

Хайр дурлалын тал дээр эрс өөрчлөлт хийх хэрэггүй, хайртай хүнийхээ үгийг сонсож, түүнд туслах хэрэгтэй. Ганц бие эмэгтэйчүүд зуны саруудад,тэр дундаа зургаа эсвэл долдугаар сард хайртай хүнтэйгээ учирж магадгүй. 

Зуны сүүл сар тийм ч таатай байхгүй. Тааламжгүй мэдээ Хумхын ордны эмэгтэйчүүдийг мухардалд оруулж, зарим үед биеэ хянах чадвараа алдана. Тиймээс зуны сүүл болон намрын эхэн үеэр өөртөө анхаарал хандуулж, нарийн ширийнийг ажиглах хэрэгтэй. 

Хайр дурлал 
 

Хумхын ордныхны хувьд хоёр болон гуравдугаар сар хайр дурлалын хувьд оргил үе байна. Энэ үеэр хайртай хүнтэйгээ учрах магадлалтай. Түүнчлэн гэрлэсэн хүмүүст ч энэ үе таатай байна. Тэд романтик мэдрэмжээ илэрхийлж, хайртай хүнээ өөрөөр хардаг болно. 

Зуны улиралд ч тааламжтай уур амьсгал үргэлжлэх хэдий ч ажил, амьдралаа зохицуулж чадахгүй үе тулгарч мэднэ. Дурламтгай Хумхын ордныхон хайр дурлалдаа толгой эргэж, өөртөө, ажилдаа, найз нөхөд болон хоббидоо бага цаг зарцуулна. 

Наймдугаар сар тийм ч амжилттай сар биш хэдий ч амьдралын ханиа олж мэдэх юм. Өвлийн эхэн үеэр сонор сэрэмжтэй байж, энэ үеэр учирсан хүндээ бүрэн итгэхгүй байхыг зөвлөж байна. 

Эрүүл мэнд 

Нэг, хоёр, гуравдугаар саруудад Хумхын ордныхны эрч хүч дүүрэн байна. Харин үүний дараа эрч хүч буурч, зарим өвчин сэдэрч магадгүй. Хумхын ордныхны хувьд ажил, амьдралд өөрчлөлт, шилжилт гараад зогсохгүй эрүүл мэндийн тал дээр ч ихээхэн өөрчлөгдөнө. 

Тухайлбал, амьдралын хэв маягаар өөрчилж, спорт, йогоор хичээллэх хүсэл төрж магадгүй. 2024 оны гуравдугаар сард эрч хүчээ сэргээх тал дээр онцгой анхаарах хэрэгтэй. 

Амьдралд гарсан эрс өөрчлөлтүүдийн улмаас Хумхын ордныхон стресстэж, улмаар дархлаанд нөлөөлнө. Улмаар зүрх, ходоод хямарч болзошгүй. Эдгээр эрхтнүүдийнхээ эрүүл мэндийг хамгаалахын тулд цэвэр агаарт ойр ойрхон гарч, өөх тос ихтэй хоолоос татгалзах хэрэгтэй. Түүнчлэн сайн унтаж амрах нь чухал. 

Санхүү 

Хумхын ордныхны хувьд 2024 онд ажил мэргэжлийн тал дээр хүнд, тааварлашгүй үе тохиож, олон чухал шийдвэр гаргах шаардлагатай болно. Чухал эд зүйл авах, бүтээхэд наймдугаар сарын сүүлээс 11 дүгээр сарын дунд хүртэлх үе тохиромжтой. 

Хүмүүстэй хэрхэн харилцахыг сурснаар хэрэгтэй хүмүүстэй нөхөрлөж, тэд Хумхын ордныхныг ажил хэргээ өргөжүүлэхэд тусалж, чухал зөвлөгөө өгнө. Нэгдүгээр сард ажлаа солих, хуримтлалынхаа ихэнх хэсгийг үрэх хүсэл төрж болзошгүй. Ийм үед өөрийгөө сонсож, шийдвэр гарахдаа сайтар бодож тунгаахыг хичээгээрэй. 

Боломжтой бол орлого багатай хүмүүст туслах буяны ажил хийхийг зөвлөж байна. Хамт олонтойгоо зохицож чадахгүй байсан Хумхын ордныхон 2024 оны сүүлээр хэвийн харилцаа тогтоож чадна.