Луу жил Охины ордныхонд олон үйл явдал бэлджээ. Энэ ордныхон хожим бодитоор үнэлэгдэх хамгийн сайн чанаруудаа ил гаргана. Энэ онд эрүүл мэнддээ ихээхэн анхаарах хэрэгтэй. 

ЭРЧҮҮД

2024 оны эхний өдрүүдээс л Охины ордны эрчүүд аливаа зүйл, алхмынхаа чухал эсэхийг тунгаан бодох хэрэгтэй болно. Цагаа зөв хуваарилснаар ажил мэргэжил болон амьдралын тал дээр ч амжилтад хүрнэ. 

Энэ онд эрүүл мэнддээ онцгой анхаарал хандуулах хэрэгтэй. Долдугаар сараас өмнө эрүүл мэндтэй холбоотой холбоотой асуудлуудыг шийдэхийг хичээгээрэй. 
Хянамгай байж, шаардлагагүй зүйл худалдан авахаас татгалзаж, сөргөлдөөнөөс зайлсхий. Ингэснээр энэ он амжилттай байна. 

Намрын улиралд зорилго тэмүүлэлтэй зангаа ил гаргах хэрэгтэй болно.Энэ оны 11 болон 12 дугаар сарууд хайр дурлалын харилцаанд нэн тааламжтай. Романтик харилцаа бий болго, гэхдээ хэт гэнэн байж болохгүй. 

ЭМЭГТЭЙЧҮҮДИЙН ЗУРХАЙ

 
2024 оны нэгдүгээр сарын сүүлээр Охины ордны эмэгтэйчүүд ирээдүйгээ төлөвлөх, өөртөө дүгнэлт хийх боломжтой болно. Хоёроос долдугаар сарын хооронд ачаалалтай үе тохионо. Ойрын хүрээнд урвагч байгааг зөнгөөрөө мэдэрнэ. Ийм урвагчаас болж олон танилаасаа хөндийрч болзошгүй. 

Зуны улиралд материаллаг байдалдаа анхаарах хэрэгтэй. Бодлогогүй зарлага ямар ч сайн зүйлд хүргэхгүй. 

Наймдугаар сард онгодтой байж, хоббигоороо нэмэлт орлого олно. Бүтээлч хүслээ хязгаарлах хэрэггүй. Энэ оны 12 болон нэгдүгээр саруудыг гэр бүл, ойр дотны хүмүүстээ цаг зав гаргаарай. 

ХАЙР ДУРЛАЛ 

Охины ордныхны хувьд ажил нэгдүгээрт тавигддаг ч 2024 онд хүсэл тачаал, романтик болзоо дүүрэн байна. Гэхдээ хосоо сонгох гэж хэт удах хэрэггүй. Намрын дунд үеэс өмнө харилцаагаа тодорхойлж чадахгүй бол бий болгосон харилцаа цааш явцгүй болно. 

Луу жил сүй тавихад тохиромжтой. Харин хуримаа 11 дүгээр сарын сүүл, 12 дугаар сар хүртэл хойшлуулах хэрэгтэй. 

Гэр бүлтэй Охины ордныхны хувьд харилцаа тааламжтай байна. Ажилдаа хэт улайралгүй хань ижилдээ цаг гаргаарай, ингэснээр гэр бүлийн харилцаа бат бэх болно. 

ЭРҮҮЛ МЭНД 

Нэгдүгээр сар болон гуравдугаар сарын сүүл, 10 дугаар сарын хоёр дахь долоо хоног, 11 дүгээр сарын сүүл үеэр эрүүл мэнддээ илүүтэй анхаарах хэрэгтэй. Хоол хүнсээ зохицуулж, цаг агаарт тааруулан хувцаслаарай. 

Эмнэлэгт хандан, урьдчилан сэргийлэх үзлэгт хамрагдахад нэгдүгээр сарын дунд үе тохиромжтой. Харин гоо сайхны мэс ажилбар хийлгэх бол нэг, тав, 11 дүгээр сарууд тохиромжтой байна. Хаврын дунд үе, зуны эхэн сарууд дархлаагаа сэргээхэд нэн тохиромжтой. 

Нэгээс дөрөвдүгээр сарын хооронд мэс ажилбарт орохоос зайлсхийх хэрэгтэй. Луу жилд наймаас 11 дүгээр сарын хооронд сэтгэл хямралд өртөж болзошгүй. Сэтгэцийн эрүүл мэнддээ анхаар, ингэснээр эрүүл мэнд муудахаас зайлсхийж чадна. 

2024 оны наймдугаар сарын 29-ний өдөр нэн анхааралтай бай, биед гарч буй аливаа өөрчлөлт, шинж тэмдгийг сайтар ажиглаж, эмчид хандах хэрэгтэй. 

САНХҮҮ 

2024 оны эхээр санхүүгийн хямралтай нүүр тулна. Хавраас өмнө илүү зардал гаргахгүй байж, төсвөө сайтар төлөвлө. Хамт олонтойгоо зөрчилдөж болзошгүй, энэ нь орлогод сөргөөр нөлөөлнө. Тайван байж чадвал хүндрэлтэй асуудал үүсэхээс сэрэмжилж чадна. Зуны улиралд их хэмжээний худалдан авалт хийхдээ сайтар бод. Хоёр, тав, зургаа, ес, 11 дүгээр сарууд орлого ашиг ихтэй байна.