Цагдаагийн албан хаагч Г.Тэмүүлэн цахим мөрийтэй тоглоом зохион байгуулагчдаас мөнгө авдаг тухай мэдээлэл цацагдаж, түүнийг цагдаагийн байгууллагын дотоод хяналтаас шалгаж эхэлжээ.
Энэ тухай ЦЕГ-ын Дотоод хяналт, аюулгүй байдлын газрын дарга, хурандаа Д.Манлайбаатар “Мөрийтэй тоглоом зохион байгуулагчдыг мөрдөн шалгах ажиллагааны явцад манай албан хаагчийн нэр дурдагдсан. Бид энэ мэдээллийг үнэлж үзээд, тухайн албан хаагчийг Мөрдөн байцаах албаны тусгай субектын гэмт хэргийн хэлтэст шилжүүлэн, шалгаж байна" гэсэн мэдээллийг өглөө.
Нэр холбогдсон тухайн алба хаагч нь одоо албан үүргээ гүйцэтгэж байгаа аж. Хэрэг эцэслэн шийдвэрлэгдээгүй, түүнийг гэмт хэрэг үйлдсэн эсэхийг тогтоох мөрдөн шалгах ажиллагаа эхэлж байгаа учраас чөлөөлөөгүй байна. Харин албан үүргээс нь түдгэлзүүлэх эсэхийг прокурорын байгууллагаас шийдвэрлэнэ.
Түүнээс гадна мөрийтэй тоглоом зохион байгуулагчидтай нэр холбогдсон Б-ын тухай мэдээлэл цацагдсан. Тухайн хүн нь цагдаагийн албанд ажиллаж байгаад цэргийн байнгын тэтгэвэрт гарсан аж. Тэрбээр цахим мөрийтэй тоглоом зохион байгуулагчдын нөлөөлөлд автаж, шан харамж авсан байж болзошгүй үйлдэл илэрсэн учраас түүнийг шалгуулахаар АТГ-т шилжүүлжээ.
Уншиж байна |