БНХАУ-ын дарга Ши Жинпинь АНУ-д айлчилж, энэ үеэрээ тус улсын Ерөнхийлөгч Жо Байдентай уулзсан. Энэ уулзалтын дараа Байден мэдэгдэл хийхдээ, Ши Жинпинийг дарангуйлагч гэж үздэг хэвээр байгаа талаараа мэдэгджээ.

"Тэр үнэхээр л дарангуйлагч шүү дээ. Дарангуйлагч гэдэг нь, тэр засгийн газар нь манайхаас огт өөр коммунист орныг удирддаг залуу гэсэн утгаараа. Үүнийг үгүйсгэх эсвэл үүнтэй маргах ямар ч боломжгүй" гэж Байден Ши Жинпиньтэй хийсэн уулзалтынхаа дараа сэтгүүлчидтэй ярилцах үеэрээ мэдэгджээ.

Түүнчлэн, АНУ-ын сонгуульд хөндлөнгөөс оролцохгүй байхыг БНХАУ-ын даргад анхааруулсан хэмээн тэрбээр мэдэгдсэн байна. Америкийн Ерөнхийлөгч өмнө нь хэд хэдэн удаа Ши Жинпинийн удирдлагын арга барил нь "дарангуйлагч шинжтэй" хэмээн мэдэгдэж байв. Энэ удаад Ши Жинпиньтэй уулзсаныхаа дараахан л түүнийг "дарангуйлагч" хэмээн нэрлэсэнд Хятадын тал ямар нэг тайлбар хийгээгүй байна.

Г.Бямбасүрэн