Рокфеллер төвийн Зул сарын гацуур бямба гарагийн өглөө эрт Нью-Йоркод ирснээр Зул сарын улирал албан ёсоор эхлэснийг илтгэж байна гэж CNN агентлаг мэдээлжээ.

Эх сурвалжийн мэдээлснээр, 11 дүгээр сарын 11-ний бямба гарагийн өглөө Нью-Йорк мужийн Весталаас 12 тонн жинтэй Зул сарын гацуурыг зөөж авчирсан байна. Улмаар Рокфеллер төвийн талбайд 80 фут өндөртэй гацуурыг суурилуулжээ.

Зул сарын гол гацуурыг тойруулан мод суурилуулж, 50 000 гаруй гэрлэн чимэглэлээр чимэх аж. Улмаар Зул сарын гацуурыг асаах албан ёсны арга хэмжээ 11 дүгээр сарын 29-ний өдөр болох юм байна.

Г.Бямбасүрэн