Арван давхар бизнес төв дээр аянга буусны улмаас барилга бүхэлдээ шатжээ. Энэ харамсалтай хэрэг Туркийн Бурса хотын Озлюже дүүрэгт болсон талаар МИР24 суваг мэдээлсэн байна. 

Эх сурвалжийн мэдээлснээр, аянга буусны дараа барилгын нэг давхар шатаж, дараа нь гал дээвэр хүрчээ. Барилга бүхэлдээ шатсаны дээр барилгын гаднах зогсоолд байсан хэд хэдэн машин шатсан байна.

Тухайн үед 10 давхар барилгад хүн байгаагүй, тиймээс гал түймрийн улмаас хүн амиа алдаж, гэмтэж бэртээгүй аж. Одоо шинжээчид аянганаас үүдэлтэй галын хохирлыг тооцохоор ажиллаж байгаа гэнэ.

Г.Бямбасүрэн